धायरी : नऱ्हे येथील अभिनव कॉलेज रस्ता येथील फुगे आणि कागदी डेकोरेशन तयार करणाऱ्या कारखान्याला सकाळी ११ च्या सुमारास आग लागली होती. पुणे मनपा अग्निशमन केंद्राचे जवान आणि PMRDA अग्निशमन केंद्राचे जवान घटनास्थळी दाखल झाले होते. यांसाठी आठ फायर गाड्याच्या मदतीने आग विझवण्यात आली. नऱ्हे - धायरी येथील अभिनव कॉलेज परिसरातील असणाऱ्या गोडाऊनमधील चार  कारखान्याला आग लागली. यामधील फुगे आणि कागदी डेकोरेशन तयार करणाऱ्या कारखान्याला शॉर्ट सर्किटमुळे आग लागली असल्याची माहिती मिळाली आहे. तसेच लागून असणाऱ्या कंपनीचे साहित्य तयार करणाऱ्या गोडाऊनला देखील आग लागली आहे. गादी कारखाना देखील यामध्ये अक्षरशः जाळून खाक झाला आहे. यामध्ये कोणतीही जीवितहानी झाली नसली तरी कारखान्याचे आर्थिक नुकसान मात्र मोठ्या प्रमाणात झाले.

हेही वाचा - सासवडला कोरोना समूह संसर्ग बळावला; एका दिवसात उच्चांकी रुग्णवाढीची नोंद

जवळपास दीड कोटींपेक्षा जास्त आर्थिक नुकसान झाले आहे. घटनास्थळी अग्निशमन दलाचे जवान पोहचले असून आग आटोक्यात आणण्यासाठी प्रयत्न करीत होते. पीएमआरडी आणि पुणे मनपा अग्निशमन केंद्राच्या आठ आगीचे बंब आग आटोक्यात आणण्यासाठी प्रयत्न करत होते. अखेर तीन तासांनी आगीवर नियंत्रण आणण्यास यश मिळाले. 

नऱ्हे धायरी येथील अभिनव कॉलेज  रस्ता  जवळील १) क्रीएटिव्ह वूड सन्स एनसी आर्ट २) मल्हार टेक्नोलॉजी ३) ब्लू टेक टेक्नोलॉजी ४) शिव स्टील फर्नीचर या  ४ कंपन्यांना आग लागलेली होती. पीएमआरडीए अग्निशमन दल व पुणे अग्निशमन दल यांच्या जवानांनी आग पूर्ण विझवली असून बाजूला असलेल्या गोडाऊनला आगीपासून वाचवण्यात आले आहे. केंद्र अधिकारी सुजित पाटील, उपस्थानक अधिकारी विजय महाजन, पालिकेचे केंद्र अधिकारी प्रभाकर उमरटकर व कर्मचारी घटनास्थळी उपस्थित होते. तसेच सिंहगड पोलीस स्टेशनचे वरिष्ठ पोलीस निरीक्षक देविदास घेवारे, पोलीस उपनिरीक्षक दिपक खेडेकर, नितीन जाधव  व पोलीस कर्मचारी जीवाची पर्वा न करता आगीवर नियंत्रण आणण्यासाठी प्रयत्न करत होते.आगीवर कोणत्याही जीवितहानी झालेली नाही. परिसरात बघ्यांनी मोठ्या प्रमाणात गर्दी केली असून सिंहगड रस्ता पोलीस गर्दीवर नियंत्रण ठेवण्यासाठी अक्षरशः नाकीनऊ आले होते.