खुटबाव, ता. २४ : नाथाचीवाडी (ता. दौंड) येथील विद्युत पंपाच्या तांब्याचे केबल चोरी करणाऱ्या परप्रांतीय युवकाला यवत पोलिसांनी अटक केली आहे. या चोरट्याकडून पोलिसांनी १ लाख ६५ हजार रुपयांचा मुद्देमाल जप्त केला आहे.
यासंदर्भात सविस्तर हकीगत अशी की, दिनांक ८ व ९ ऑगस्ट रोजी माटोबा तलाव नाथाचीवाडी येथील २० विद्युत पंपांच्या तारा चोरीला गेल्याच्या घटना घडल्या. या संदर्भात यवत पोलिस ठाण्यामध्ये वेगवेगळे तीन गुन्हे दाखल झाले. खबऱ्यामार्फत मिळालेल्या माहितीनंतर यवत पोलिसांनी शोध घेतला. त्यामध्ये सदर केबल चोरी ही परप्रांतीय मजूर मनोज गुलाब बिंद ( वय ३७, रा. मांजरी फार्म, ता. हवेली) याने चोरल्याचे‌ निष्पन्न झाले. आरोपीकडून यवत पोलिसांनी १ लाख १५ हजार रुपये किमतीच्या कृषी पंपांच्या तांब्याच्या केबल व दुचाकी असा मुद्देमाल जप्त केला आहे.