टाकळी हाजी ः पुणे जिल्ह्यातील हुतात्मा बाबू गेनू जलाशयाचा ( डिंबा धरण ) फुगवटा असणारा शेवटचा भाग पाटण ( ता. आंबेगाव ) गावाजवळ निसर्ग फुलला आहे.

ताज्या बातम्यांसाठी डाऊनलोड करा ई-सकाळचे ऍप  

वनऔषधी सापडणाऱ्या या भागात या वर्षी पावसाचे प्रमाण कमी असले तरी डोंगरातून वाहणाऱ्या पाण्याचा प्रवाह लहान लहान बंधाऱ्यातून फेसाळणारे पाणी मनमोहक दिसू लागले आहे. दरवर्षी या खोऱ्यातील फुलणारे निसर्ग व पावसाने चिंब होण्यासाठी पर्यटकांना हा भाग खुणावत असतो.
 

पुण्याच्या बातम्या वाचण्यासाठी येथे ► क्लिक करा

पर्यटक देखील या भागात मनसोक्त निसर्ग विहार करतात. मात्र या वर्षी कोरोनाच्या प्राद्रुभावामुळे पर्यटकांना या भागात फिरकण्यास बंदी आहे. त्यामुळे प्रदुषण नसल्याने हिरवाईची चादर पांघरलेल्या डोगंराच्या रांगा, पक्षांचा किलबिलाट, पाण्याचे लहान लहान धबधबे आणि पर्यटकांना बंदी असल्याने दुरवर पसरलेली शांतता, मधूनच येणारा हलकासा पाऊस असेच काही निसर्ग सौंदर्य या परीसरात पहावयास मिळू लागले आहे.