पुणे : राष्ट्रवादी काँग्रेस पक्षाचे (NCP) शहराध्यक्ष प्रशांत जगताप (Prashant Jagtap) यांनी आपल्या आजाराबद्दल फेसबुक पोस्टव्दारे माहिती दिलीय. काही दिवसांपूर्वी त्यांना Paralysis चा अटॅक येऊन गेल्याची माहिती जगतापांनी फेसबुकव्दारे सांगितलीय.

जगताप पुढं सांगतात, माझ्या आजाराची माहिती कोणालाच कळाली नव्हती. मी अनेकांना भेटलो, पत्रकारांना भेटलो, कार्यकर्त्यांनाही भेटलो; पण त्यांनाही माझ्या चेहऱ्यात कोणताही बदल जाणवला नाही. मी जेव्हा माझा एक फोटो पाहिला, तेव्हा मला काहीतरी झालंय असं लक्षात आलं. म्हणून, मी डॉक्टरांना भेटायला गेलो असता, त्यांनी मला Paralysis चा झटका येऊन गेल्याचं सांगितलं.'

माझ्या चेहऱ्याच्या डाव्या बाजूला Paralysis चा झटका येऊन गेल्याची माहिती जगताप यांनी फेसबुकवर व्हिडिओ अपलोड करुन दिलीय. ही नव्या आयुष्याची सुरुवात आहे, असंही त्यांनी म्हटलंय. त्यांच्या कार्यकर्त्यांनी परमेश्वराकडं प्रार्थना करत साहेबांना लवकर बरं करावं, अशी मागणी केलीय. तर, काहींनी त्यांच्या फेसबुक अकाऊंटवर कमेंट करत काळजी घेण्याची विनंती केलीय.