Vidhan Sabha 2019 : वारजे : खडकवासला मतदार संघाचे राष्ट्रवादी काँग्रेस पक्ष व आघाडीचे अधिकृत उमेदवार सचिन दोडके यांनी आज बालाजी नगर व बिबवेवाडी परिसरात पदयात्रा काढली. शेकडो नागरिक व महिला उत्स्फूर्तपणे या पदयात्रेत सहभागी झाल्या होत्या. 

''सचिन आला रे आला'' या घोषाणांनी येथील परिसर दुमदुमला. या भागात राष्ट्रवादी काँग्रेस पक्षाची ताकद दाखवून दिली. चैत्रबन सोसायटी, लेक टाऊन सोसायटी,  राजीव गांधी नगर, अप्पर डेपो, बालाजी नगर या भागात जाऊन दोडके यांनी नागरिकांशी संवाद साधला. 

यावेळी नगरसेवक प्रकाश कदम, प्रतिक कदम, काका पायगुडे, गणेश मोहिते, आप्पा काळे, श्रीकांत जाधव, बबन दिघे  व असंख्य नागरिक  या पदयात्रेत सहभागी झाले होते.