लोणी काळभोर ता. १० : राष्ट्रवादी काँग्रेसचे प्रवक्ते विकास सदाशिव लवांडे यांच्यावर शाईफेक करून त्यांना पिस्तुलाचा धाक दाखवून जीवे मारण्याची धमकी देण्यात आली होती. याप्रकरणी अद्याप कोणाला अटक करण्यात आली नाही.
हा प्रकार शनिवारी (ता. ९) सकाळी दहाच्या सुमारास आळंदी म्हातोबाची (ता. हवेली) ग्रामपंचायत हद्दीत घडला होता. याप्रकरणी लवांडे यांनी लोणी काळभोर पोलीस ठाण्यात दिलेल्या फिर्यादीवरून संग्राम भंडारे, अक्षय कांचन यांच्यासह इतर १० ते १२ जणांवर गुन्हा दाखल करण्यात आला आहे.
वरिष्ठ पोलिस निरीक्षक राजेंद्र पन्हाळे यांनी दिलेल्या माहितीनुसार याप्रकरणातील आरोपी निष्पन्न झाले असून त्यांना पकडण्यासाठी वरिष्ठांच्या आदेशानुसार दोन पथके पाठवण्यात आली आहेत. लवकरात लवकर त्यांना अटक करण्यात येणार आहे.