बारामती - आगामी विधानसभा निवडणुकीत बारामती विधानसभा मतदारसंघात घड्याळाच्या चिन्हावर लढणार उमेदवार हा तुमच्या मनातीलच असेल, असे सांगत उपमुख्यमंत्री अजित पवार यांनी आज आपणच विधानसभा मतदारसंघात राष्ट्रवादी काँग्रेसच्या वतीने घड्याळ चिन्हावर उमेदवार असल्याचे अप्रत्यक्षरीत्या जाहीर केले.
बारामती व्यापारी महासंघ व मर्चंट असोसिएशन यांच्या वतीने बारामतीत आयोजित मेळाव्यात अजित पवार बोलत होते.
अजित पवार यांनी भाषणामध्ये अनेकदा घड्याळाच्या चिन्हा समोरील बटन दाबून उमेदवाराला विजयी करा असा उल्लेख केला. त्यानंतर उपस्थित कार्यकर्त्यांनी आपण आपली उमेदवारी जाहीर करा, असा आग्रह धरला. आम्हाला तुम्हीच उमेदवार म्हणून हवे आहात असे कार्यकर्त्यांनी नमूद केले.
कार्यकर्त्यांचा आग्रह पाहून अखेर अजित पवार म्हणाले की, बारामती विधानसभा मतदारसंघात राष्ट्रवादी काँग्रेस पक्षाचा घड्याळाचा उमेदवार तुमच्या मनातलाच असेल. यानंतर कार्यकर्त्यांनी एकच वादा अजित दादाच्या घोषणांनी सभागृह दणाणून सोडले.
गेल्या अनेक दिवसांपासून अजित पवार इतर मतदारसंघातून उमेदवारी जाहीर करणार, त्यांच्या ऐवजी इतर कोणीतरी उमेदवार असणार अशा प्रकारची चर्चा होती. या चर्चांना आज अखेर अजित पवार यांनीच एक प्रकारे पूर्णविराम दिला. ते बारामतीतूनच निवडणूक लढवणार हे अप्रत्यक्षरीत्या त्यांनी जाहीर केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.