पुणे : फेसबुक, ट्विटर यासारख्या सामाजिक माध्यमांमध्ये ट्रोल करताना समाजातील अनेक तज्ज्ञ, राजकारणी किंवा सामाजिक कार्यकर्त्यांना जिवे मारण्याच्या धमक्या देणे, महिलांना थेट बलात्कार करण्याची धमकी देणे, यासारखे प्रकार दिवसेंदिवस वाढू लागले आहेत. ही समाजाच्यादृष्टीने बाब चिंताजनक आहे. त्यामुळे सामाजिक माध्यमांतील धमक्यांना कायद्याच्या कक्षेत आणून, त्यावर प्रतिबंध घालण्याच्या दृष्टीने नागपूर येथील हिवाळी अधिवेशनात सायबर क्राईम तज्ज्ञ आणि अधिकारी यांची खास बैठक बोलावणार असल्याचे विधान परिषदेच्या उपसभापती डॉ. नीलम गोऱ्हे यांनी गुरुवारी (ता.12) पुण्यात बोलताना सांगितले.
सध्या सायबर गुन्ह्यांचे प्रमाण दिवसेंदिवस वाढू लागले आहे. त्याला सोशल मिडियाचा वाढता वापर आणि ट्रोल करण्याच्या बाबी जबाबदार आहेत. आतापर्यंत नरेंद्र दाभोळकर, गोविंद पानसरे, गौरी लंकेश आदी सामाजिक कार्यकर्त्यांच्या हत्या झाल्या आहेत. लंकेश यांना तर त्यांच्या मृत्यूनंतरही ट्रोल करण्याचे प्रकार घडले आहेत. त्यामुळे सोशल मिडियांवरील धमक्यांना कायद्याच्या कचाट्यात आणून, त्यावर कडक कारवाई होण्याची गरज असल्याचेही त्यांनी यावेळी सांगितले.
पुणे : रिक्षा व टेंपोची धडकेत तिघांचा मृत्यू; मृतांत युवतीसह आजीनातवाचा समावेश
गोऱ्हे म्हणाल्या, "या माध्यमांवरील धमक्यादायक प्रतिक्रियांवर कायदेशीर कारवाई झाल्यानंतर, अशा प्रकारांना आळा बसू शकेल. दरम्यान, नागपूर येथील हिवाळी अधिवेशन संपल्यानंतर पुणे शहरातही सायबर क्राईम आणि डिजिटल लिटरसी या विषयावर कार्यशाळा आयोजित करण्यात येणार आहे.''
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.