नेप्तीमधील विवाहितेची
गळफास घेऊन आत्महत्या
नगर तालुका ः नगर तालुक्यातील नेप्ती येथे एका विवाहित महिलेने राहत्या घरी भंगार दुकानात गळफास घेऊन आत्महत्या केली. ही घटना २१ ऑगस्ट रोजी दुपारी घडली. अमरकली संतराम निषाद (वय २५, रा. दरेकर हाऊस, नेप्ती) असे त्या महिलेचे नाव आहे. अमरकली निषाद हिने गळफास घेतल्याचे निदर्शनास आल्यावर तिचा पती संतराम निषाद याने खासगी रुग्णवाहिकेतून उपचारासाठी जिल्हा रुग्णालयात दाखल केले. रुग्णालयातील डॉक्टरांनी महिलेला उपचारापूर्वीच मृत घोषित केले. याप्रकरणी नगर तालुका पोलिस ठाण्यात आकस्मात मृत्यूची नोंद करण्यात आली.