पुणे - पुण्यात कोरोना पसरत असला तरी; बाधित भागांतील १५ परिसरात गेल्या काही दिवसांत नवे रुग्ण आढळले नाहीत आणि जुने रुग्ण बरे झाली आहेत.त्यामुळे हे परिसर आता बाधित क्षेत्रातून वगळण्यात येणार असून, रुग्ण सापडून त्यांची संख्या वाढलेल्या पाच ते सहा परिसरांचा सूक्ष्मबाधित क्षेत्रांत समावेश होणार आहे. याबाबतचे आदेश मंगळवारी (ता.१६) काढले जाण्याची शक्यता आहे.

- ताज्या बातम्यांसाठी डाऊनलोड करा ई-सकाळचे ऍप

दरम्यान, बाधित क्षेत्र आणि त्याबाहेरील हद्दीत आता सुरू असलेली दुकानेच सुरू राहणार आहेत. नव्याने काही व्यवहार सुरू करण्याच्या हालचाली तुर्तास तरी नाहीत, असे महापालिका प्रशासनाने स्पष्ट केले.

शहरातील गेल्या पंधरा दिवसांतील कोरोना संसर्गाचा आढावा घेण्यासाठी महापालिका आयुक्त शेखर गायकवाड यांच्या अध्यक्षतेखाली सोमवारी बैठक झाली. तित, विशेषतः बाधित क्षेत्र कमी करण्याचा निर्णय झाल्याचे सांगण्यात आले.

सोशल मीडियावर वायरल होतोय सह्याद्रीचा अनोखा अवतार

लॉकडाऊनच्या चौथ्या आणि पाचव्या टप्प्यात बाधित क्षेत्र कमी करून त्याठिकाणी नागरिकांना सवलती देण्यात येत आहेत. विशेषतः नागरिक आणि वाहनांच्या वाहतुकीसाठी रस्ते मोकळे करण्यासोबतच जीवनावश्यक वस्तुंची दुकाने उघडली गेली आहेत. रुग्ण संख्या पाहून बाधित क्षेत्र कमी-अधिक केला जात आहे. या पाश्चभूमीवर लॉकडाऊनच्या चौथ्या आणि पाचव्या टप्प्यांत बाधित क्षेत्र कमी करून त्याठिकाणी नागरिकांना सवलती देण्यात येत आहेत. विशेषत: नागरिक आणि वाहनांच्या वाहतुकीसाठी रस्ते मोकळे करण्यासोबतच जीवनावश्यक वस्तूंची दुकाने उघडली गेली आहेत. रुग्ण संख्या पाहन बाधित क्षेत्र कमी-अधिक केला जात आहे. या पार्श्वभूमीवर सध्याच्या ६६ पैकी १५ बाधित क्षेत्र कमी करून त्याठिकाणचे किमान व्यवहार सुरू करण्याचा महापालिकेचा प्रयत्न आहे. तर, याच काळात काही परिसरांत रुग्ण वाढण्याची आकडेवारी आहे. त्यामुळे अशा पाच परिसरांत नव्याने बंधने लादली जाणार आहेत.

- पुण्याच्या बातम्या वाचण्यासाठी येथे ► क्लिक करा