वडगाव मावळ, ता.१ : येथील श्री संत तुकाराम शिक्षण प्रसारक मंडळाच्या अध्यापक महाविद्यालय व विद्यार्थी विकास मंडळाच्या वतीने निर्भय कन्या अभियान साजरे करण्यात आले.
या निमित्त विद्यालयात एक दिवसीय कार्यशाळेचे आयोजन करण्यात आले होते. पहिल्या सत्रात डॉ. शीतल दुर्गाडे यांनी ‘स्वयंरोजगार व कौशल्य उद्योजकता’ विषयावर मार्गदर्शन केले. प्रा. योगेश जाधव यांनी ‘स्वसंरक्षण’ षयावर प्रात्यक्षिक दाखवून विद्यार्थ्यांनी आपली काळजी कशी घ्यावी याविषयी मार्गदर्शन केले. तिसऱ्या सत्रामध्ये ॲड. पूजा बुटाला यांनी ‘स्त्रियांवरील अत्याचार व कायदेविषयक माहिती’ विविध उदाहरणाद्वारे देऊन भारतीय न्याय संहिता मधील कलम ६३ ते ९९ याबाबत सविस्तर माहिती दिली. विद्यार्थी विकास अधिकारी डॉ. दीप गाडेकर, सहयोगी प्राध्यापक डॉ. शीतल देवळालकर, ज्योती रणदिवे, सोनाली पाटील, शबाना मोकाशी, डॉ. दीपा नेवसे, संध्या घोडके, मोहन कडू, हर्षदा गायकवाड, संतोष ढमाले, विनायक येळवंडे आदी उपस्थित होते. विद्यार्थी विकास अधिकारी डॉ. संदीप गाडेकर यांनी सूत्रसंचालन केले.उर्मिला करपे हिने आभार मानले. संस्थेचे अध्यक्ष तुकाराम आसवले, उपाध्यक्ष बंडोबा मालपोटे, सचिव अशोक बाफना, प्राचार्य डॉ. निता धायगुडे यांच्या मार्गदर्शनात हा उपक्रम राबविण्यात आला.