सासवड (पुणे) : पंढरीच्या वारीच्या वाटेवर विठ्ठलाची सावली असावी म्हणून वृक्षारोपणात विठ्ठल पाहवा; म्हणून पालखी मार्गावर वृक्षारोपण केले जात आहे. मात्र प्रत्येक वारकरी व भक्तांनी यंदा कोरोनामुळे वारी वा पालखी नाही म्हणून शांत न बसता आषाढीला वृक्षारोपणात विठ्ठल आठवावा. तिथेच दर्शन होईल; असे आवाहन चित्रपट कलावंत व सह्याद्री देवराई संस्थेचे प्रमुख सयाजी शिंदे यांनी सासवड येथे केले.

ताज्या बातम्यांसाठी डाऊनलोड करा ई-सकाळचे ऍप 

पुण्याच्या बातम्या वाचण्यासाठी येथे  क्लिक करा

यंदाच्या वर्षी कोरोनाच्या पार्श्वभूमिवर वारक-यांच्या संमतीने शासनाने आषाढी पायी वारीचे स्वरूप बदलले. परिणामी वारीला जाता न आल्याचे दुःख न मानता प्रत्येक वारक-याने एक तरी वृक्षरोपाचे रोपण करावे. विठ्ठलाचा आदेश मानून कोरोनाची आठवण म्हणून यंदा हरित वारीचा संकल्प करून वृक्ष चळवळीस आगळी वारी साजरी करावी. यासाठी आळंदी, देहू देवसंस्थान आणि सह्याद्री देवराई संस्थेच्यावतीने आज सासवड  (ता.पुरंदर) येथे वृक्षारोपण शुभारंभ झाला. यासाठी आळंदी देहू देवसंस्थान आणि अभिनेता सयाजी शिंदे यांच्या सह्याद्री देवराई या संस्थेच्यावतीने पुढाकार घेण्यात आला. 
यावेळी अभिनेते सयाजी शिंदे, आळंदी देवस्थानचे प्रमुख विश्वस्त अॅड. विकास ढगे, लक्ष्मिकांत देशमुख, पंढरपूर देवस्थाचे विश्वस्त शिवाजी महाराज मोरे, संत सोपानदेव देवस्थानचे मुख्य विश्वस्त अॅड. गोपाळ गोसावी, श्रीकांत गोसावी, सासवडचे नगराध्यक्ष मार्तंड भोंडे, आनंदीकाकी जगताप, पालिका मुख्याधिकारी विनोद जळक आदींसह मान्यवर उपस्थीत होते. सासवड पालखीतळावर यावेळी सात प्रमुख संतांसह श्री विठ्ठलाच्या नावाने आठ झाडांचे रोपण केले. मुक्कामाच्या प्रत्येक गावात ते केले जात आहे. रोपे, रोपवाटिका, ट्री गार्ड, देखभाल यावर लक्ष असेल; असे सयाजी शिंदे म्हणाले.
-----------
भारत-चीन संघर्ष पुन्हा थांबणार की पुन्हा पेटणार?
-----------
योगामुळे प्रतिकारशक्ती वाढते; कोरोनाशी लढण्यासही होईल मदत : पंतप्रधान मोदी
-----------
शिंदे म्हणाले, सासवड संत सोपानदेव यांचे समाधी स्थळ.. म्हणून येथून शुभारंभ. प्रमुख सात संतांची देवस्थाने, पंढरपूरचे श्री विठ्ठलाचे देवस्थान आणि वारीच्या वाटेवरील गावात मोफत वृक्ष रोपांचे वाटप केले जात आहे.  फिजीकल-डिस्टंन्सिंग व मास्कचा वापर करून हा कार्यक्रम झाला.