पुणे - लग्न झाल्याचे लपवून त्याने विधवा महिलेबरोबर दुसरा संसार थाटला. तिच्याकडे असलेले १५ लाख रुपये उकळले. त्यामुळे तिने पोटगीसाठी न्यायालयात धाव घेतली. पोटगी मंजूर झाल्याच्या आदेशाविरोधात तो सत्र न्यायालयात गेला. मात्र, न्यायालयाने त्याचा अर्ज फेटाळत पतीला दुसऱ्या पत्नीस पोटगी देण्याचा निर्णय कायम ठेवला.
हिंदू विवाह कायद्यात दुसऱ्या पत्नीस पोटगी देण्याची तरतूद नाही. मात्र, महिलेची फसवणूक करून तिच्याशी लग्न केल्याचे निदर्शनात आल्यानंतर तिला दरमहा पाच हजार रुपये पोटगी देण्याचे प्रथमवर्ग न्यायदंडाधिकारी न्यायालयाचे आदेश सत्र न्यायालयाने कायम ठेवले आहेत. उषा यांच्या पहिल्या पतीचे निधन झाल्याने त्या तीन मुलांसह माहेरी पुण्यात राहत होत्या. त्या काळात त्यांची सुरेशशी (नावे बदललेली) ओळख झाली. पतीच्या निधनानंतर उषा यांना वाटपात मिळालेले १५ लाख रुपये सुरेश याने विविध कामांना वापरून संपवून टाकले.
आपली फसवणूक झाल्याचे लक्षात आल्यानंतर उषा वेगळ्या राहू लागल्या. मात्र, तो त्यांना घरी जाऊन त्रास देऊ लागला. सुरेशच्या पहिल्या पत्नीने व भावांनी त्यांना मारहाण केली. त्यामुळे उषा यांनी कौटुंबिक हिंसाचार प्रतिबंधक कायद्यानुसार पोटगी आणि प्रतिबंधात्मक आदेशासाठी न्यायालयात धाव घेतली. त्यावर प्रथमवर्ग न्यायदंडाधिकाऱ्यांनी उषा यांना दरमहा पाच हजार रुपये पोटगी व त्यांच्या घरात न जाण्याचे आदेश सुरेशला दिले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.