पर्यटकांची संख्या आणि घाटातील वाहनांच्या संख्येचे प्रमाणात तसे वेळापत्रक तयार करणार आहे.
खडकवासला : सिंहगडावर पर्यटकांची (Tourists) वाढती गर्दी पाहता, सुट्टीच्या दिवशी घाटात शेवटच्या टप्प्यातील वाहतूक कोंडी टाळण्यासाठी वन विभाग (Forest Department) गडावर सोडण्यात येणारी वाहतूक टप्प्याटप्प्याने सोडण्याचे नियोजन करीत आहे. याबाबत वन विभागाने घेरा सिंहगड वन व्यवस्थापन समितीला सूचना केल्या आहेत.
सिंहगड घाटातील (Sinhagad Ghat) शेवटच्या तीन किलोमीटरमध्ये रविवारी (ता. १६) नियोजन फसल्याने सुमारे चार तासाहून अधिक काळ गड वाहतुकीसाठी बंद होता. तसेच सोमवारी सुट्टी असल्याने गर्दी झाली होती. परिणामी, वाहतूक कोंडी झाली होती. सिंहगड घाटातील वाहतुकीचे नियोजन घेरा सिंहगड वनसंरक्षण समिती (Sinhagad Forest Conservation Committee) करते. समितीकडून त्याबाबत वेळेत योग्य निर्णय न घेतल्याने अभूतपूर्व वाहतूक कोंडी झाली होती.
याबाबत ‘सकाळ’ने वाहतूक कोंडीच्या व जिल्हा प्रशासनाने याबाबत दखल घ्यावी, अशा सूचना असणारी बातमी सोमवारच्या अंकात प्रसिद्ध केली होती. यामुळे वन विभाग खडबडून जागे झाले. त्यांनी सुरळीत वाहतुकीसाठी घाटातील वाहतुकीच्या व्यवस्थापनात बदल करण्याच्या सूचना वन समितीला दिल्या आहेत. रविवारी वाहतूक कोंडीमुळे पर्यटकांचे हाल झाले. जास्तीत-जास्त पर्यटकांना गडावर जाता यावे. यासाठी वाहतूक कोंडी टाळून सिंहगडावर जाता येईल.
यासाठी समिती नियोजन करीत आहे. सिंहगडावर जाणाऱ्या आणि येणाऱ्या वाहनांसाठी वेळापत्रक तयार करण्यात येईल. गडावर जाणारी वाहने कोंढणपूर नाका येथे वाहने थांबविणार, त्याचवेळी गडावरील वाहन तळावरून वाहने खाली येतील. कोंढणपूर नाका येथून वाहने गडावर सोडल्यावर वाहन तळावरून एक ही वाहन खाली येणार नाही, असा प्रयोग करण्यात येणार आहे, अशा सूचनाही वन विभागाने वन समितीला केल्या आहेत.
पर्यटकांची संख्या आणि घाटातील वाहनांच्या संख्येचे प्रमाणात तसे वेळापत्रक तयार करणार आहे. या संदर्भात तातडीने त्याची अंमलबजावणी या शनिवारपासून करण्यात येणार आहे. त्यासाठी वन व्यवस्थापन समितीचे स्तरावर त्याची काटेकोरपणे अंमलबजावणी करण्यासाठी संबंधितास आवश्यक ते आदेश आणि सूचना देखील केल्या आहेत.
-प्रदीप संकपाळ वनपरिक्षेत्र अधिकारी, भांबुर्डा
सुरक्षारक्षकांना गणवेश, रेनकोट देणार
वाहनतळावर पांढरे पट्टे मारणे
वाहनतळाची दुरवस्था दूर करणार
वन आणि वाहतूक व्यवस्थापनाचे प्रशिक्षण
प्रवासी वाहनांबाबत पोलिस, परिवहन विभागाची मदत घेणार
धोकादायक, भरधाव वेगाने वाहने चालविणाऱ्यांवर कारवाई होणार
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.