वारजे : वारजे-कर्वेनगर क्षेत्रीय कार्यालय अंतर्गत   कोरोना ग्रस्तांची संख्या 600 पार केलेली आहे. तर आठ दिवसांमध्ये कोरोना रुग्णांमध्ये जवळपास चारपट वाढ झालेली आहे. त्यामुळे वारजे, कर्वेनगर, शिवणे व उत्तमनगर वासियांचे डोकेदुखी वाढलेली आहे.

पुढील सहा महिने घरूनच काम; पुण्यातील आयटी कंपन्यांचे धोरण 

वारजे- कर्वेनगरमध्ये एकूण 614 कोरोनाग्रस्त पेशंट सापडले असून, त्यामधील 62 नागरिक कोरोनातून बरे झाले आहेत. तर आता 541 रुग्ण रुग्णालयात कोरोनावर उपचार घेत आहे. तर आतापर्यंत 11 रुग्णांचा मृत्यू झाला आहे. अशी माहिती वारजे कर्वेनगर क्षेत्रीय कार्यालयाचे सहाय्यक आयुक्त संतोष वारुळे यांनी दिली.

पुण्याच्या बातम्या वाचण्यासाठी येथे  क्लिक करा

यामध्ये प्रभाग क्रमांक 13 मध्ये 266,  प्रभाग क्रमांक 31मध्ये 146, प्रभाग क्रमांक 32 मध्ये 141 व प्रभाग क्रमांक 42 चा शिवणे, उत्तमनगर भागामध्ये 61 कोरोनाग्रस्त रुग्णांचा समावेश आहे.

मध्य पुण्यात राहणाऱ्या नागरिकांना मिळणार दिलासा? कॉंग्रेसने केली ही मागणी

गेल्या आठ दिवसांपूर्वी येथील कोरोनाग्रस्त 150 होते.  आज मात्र कोरोनाग्रस्तांचा आकडा 614 झाला आहे. त्यामुळे वारजे कर्वेनगरमध्ये कोरोना रुग्णसंख्या वाढण्याचे प्रमाण चार ते पाच पट झालेले आहे. त्यामुळे वारजे, कर्वेनगर, शिवणे, उत्तमनगर  वासियांनी काळजी घेणे गरजेचे आहे.