पिंपरी : रस्त्यावर उभ्या रिक्षा टेम्पोला पाठीमागून जोरदार धडक दिल्याने त्याच्या जवळून जात असलेला वयोवृद्ध पादचारी ठार झाला. दिघी येथील दत्तमंदिर बसथांब्याजवळ हा अपघात झाला. 

टिकटॉक व्हडिओ एडिट करून महिलेचा विनयभंग

शरद त्रिंबक आपटे (वय 70) असे त्या मृत्यूमुखी पडलेल्या वृद्ध पादचाऱ्याचे नाव आहे. पोलीसांनी दिलेल्या माहितीनुसार, आरोपी कारचालक मंजुबा अश्रुबा गव्हाडे (वय 26, मूळ रा.दुधगाव, ता.सोनपेठ, जि.परभणी) याने कार (वाहन क्र.एमएच 14 एचडब्ल्यू 9999) वेगाने चालवित रिक्षा टेम्पोला पाठीमागून जोरदार धडक दिली. त्याचवेळी, त्या टेम्पोसमोरुन पायी जात असलेले आपटे हे ठार झाले. या प्रकरणी, समीर शरद आपटे (वय 36, रा. दत्तनगर, दिघी) यांनी दिघी पोलीस ठाण्यात फिर्याद दाखल केली आहे.

पुण्यात बसची संख्या वाढणार; पण कधी?