पुणे - कोरोनाची लागण होऊन, मृत्युमुखी पडल्यास महापालिकेतील अधिकारी, कर्मचाऱ्यांच्या वारसांना एक कोटी रुपये आणि महापालिकेच्या सेवेत घेण्याचा निर्णय महापालिकेतील गटनेत्यांनी घेतला आहे. त्यानुसार या निर्णयाची अंमलबजावणी करण्यासाठी अधिकारी-कर्मचाऱ्यांसाठी सुरक्षाकवच योजना अमलात आणावी, असा आग्रह महापौर मुरलीधर मोहोळ यांनी महापालिका आयुक्तांकडे धरला आहे.
पुण्यात कोरोनाचा रुग्ण सापडल्यापासून त्यावर महापालिकेच्या आरोग्य विभागातील डॉक्टर, परिचारिका आणि अन्य कर्मचारी उपचार करीत आहेत. आपल्या जीवाची पर्वा न करता ते रुग्णांवर योग्य आणि वेळेत उपचार करत आहेत. त्यामुळे आतापर्यंत काही रुग्ण ठणठणीत झाले असून, उपचारानंतर त्यांना घरी सोडण्यात आले आहे. मात्र, अधिकारी-कर्मचाऱ्यांनाही कोरोनाची लागण होण्याची भिती निर्माण झाली आहे. या पार्श्वभूमीवर खबरदारी म्हणून केंद्र आणि राज्य सरकारने आपापल्या अधिकारी, कर्मचाऱ्यांना सुरक्षाकवच पुरविले आहे; त्याच अनुषंगाने महापालिकेनेही आपले अधिकारी, कर्मचाऱ्यांसाठी ही योजना लागू करावी, असेही मोहोळ यांनी आयुक्त शेखर गायकवाड यांना दिलेल्या पत्रात नमूद केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.