पुणे - पुण्यात कोरोना रुग्णांवरील उपचारासाठी ना बेड ना व्हेंटिलेटर मिळत असतानाच या रोगाच्या मृतांचा आकडा गेल्या चार दिवसांच्या तुलनेत तिपटीने वाढला आहे. रविवारी दिवसभरात सर्वाधिक ४४ रुग्णांचा मृत्यू झाला आहे. यातील बहुतांशी रुग्ण हे ऑक्सिजन आणि व्हेंटिलेटरवर असल्याचे निष्पन्न झाले आहे. मृतांमध्ये ३९ ते ५० वर्षापेक्षा अधिक वयाच्या व्यक्तींचा समावेश असून, मृतांमध्ये ३४ पुरुष आणि ११ महिलांचा समावेश आहे. एकाच दिवसांत इतक्या जणांचा मृत्यू झाल्याने पुण्यात घबराट निर्माण झाली आहे. सर्व मृतांना कोरोनासोबत अन्य आजारही होते. 

पुण्याच्या बातम्या वाचण्यासाठी येथे ► क्लिक करा

याआधी एका दिवसात सर्वाधिक २५ जणांचा मृत्यू झाल्याची नोंद आहे. मात्र, तोच आकडा जवळपास दुप्पट झाल्याने पुणेकरांत भीती आहे. कोरोनाच्या मृतांचा एकूण आकडा ९७६ इतका झाला आहे. तर त्याचवेळी आणखी पावणेसहाशे रूग्णांची प्रकृती गंभीर आहे.पुण्यात कोरोनाचा संसर्ग वाढत असून, पुढच्या महिना-दीड महिन्यांत तो आणखी याविण्याची भीती आहे. त्यावर उपाय म्हणून रुग्णांचा शोध घेत, त्यांना विलग करणे, योग्य आणि वेळेत उपचार करण्यासाठी महापालिका आणि खासगी होस्पिटलची व्यापी वाढविण्यात येत आहे. मात्र, हॉस्पिटलमध्ये बेड अपुरे ठरत असल्याने रुग्णांना वेळेत उपचार मिळेनासे झाले आहेत. त्यामुळे गेल्या काही चार-पाच दिवसांपासून व्हेंटिलेटर तर 'आयसीयू' मिळत नसल्याचे रूग्णांचा अतोनात हाल सुरू आहेत. त्याचवेळी एका दिवसांत म्हणजे गेल्या चोवीस तासांत ४४ जणांचा जीव गेल्याने पुन्हा भीती वाढली आहे. 

ताज्या बातम्यांसाठी डाऊनलोड करा ई-सकाळचे ऍप

पुण्यातील रुग्ण संख्या 
नवे रुग्ण -  १ हजार ५०५ 
कोरोनामुक्त  -  ५५७ 
मृत्यू  - ४४ 
तपासणी -  ३ हजार ८१५ 

हेही वाचा : पिंपरी-चिंचवड शहरात दिवसभरात 17 जणांचा मृत्यू