खडकवासला - सिंहगड पर्यटकांसाठी खुला झाल्यानंतर पहिल्या दिवशी सुमारे एक हजार पर्यटक आले होते.  सिंहगड पर्यटकांसाठी मंगळवार पासून पर्यटकांसाठी खुला झाला. पहिल्या दिवशी सायंकाळी पाच वाजेपर्यंत 147 दुचाकी, 63 मोटारी गडावर गेल्या होत्या. हॉटेल व्यावसायिकांनी कोरोनाचे सर्व नियम पाळावेत. पर्यटकांनी देखील मास्क घालणे गरजेचे आहे. सॅनिटायझरचा वापर करावा. गर्दी करून फिरू नका, असे आवाहन वन परिक्षेत्र अधिकारी दीपक पवार यांनी केले आहे. 

हॉटेल व्यावसायिक पंडित यादव म्हणाले, "सकाळी येऊन साफसफाई केली. येथील साहित्य घरी नेले होते. त्याची जागेची स्वच्छता केली. दिवाळीच्या सुट्टीत गड सुरू झाला असता तर आमची दिवाळी चांगली झाली असती. 26 जानेवारीच्या पुढे पर्यटकांची संख्या कमी होते.' 

गाव कारभाऱ्यांचं नवं आरक्षण ठरलं; तहसीलदारांच्या बैठकीत सोडतीद्वारे झाला निर्णय​

रंगुबाई शिरोळे म्हणाल्या, "गडावर हॉटेल सुरू नसल्याने यंदा भात पीक चांगले आले होते. परंतु पावसाने दगा दिला.' 

लक्ष्मण मंडले कांदा भजी तळत सांगत होते. "लॉकडाउनमध्ये नऊ महिने जगणं अवघड झाले होते. या काळात उत्पन्न नव्हते. त्यामुळे, आज गड सुरू झाला असला तरी हॉटेलमधील साहित्य उधारीवर आणले. सकाळी येऊन भांडी व परिसर स्वच्छ केला. आता आम्ही पर्यटकांची वाट बघतोय.' 

Corona Updates: हॉस्पिटलमधील कोरोना रुग्णांचा आकडा चार हजारांच्या आत​

गणेश गोफणे सरबत, काकडी, शेंगा पाण्याच्या बाटल्या घेऊन विकण्यास आले होते. ते म्हणाले, "अचानक गड सुरू होणार असल्याची माहिती मिळाली. आज भारत बंद असल्यामुळे मार्केट बंद होत आणि माल भरण्यास वेळ मिळाला नाही. त्यामुळे आवळे, बोरे आणली नाहीत. 

ताज्या बातम्यांसाठी डाऊनलोड करा ई-सकाळचे ऍप

पुण्याच्या बातम्या वाचण्यासाठी येथे ► क्लिक करा

पर्यटक अजित मालुसरे पत्नी मुले, यांना घेऊन आले होते. काही महिन्यांपासून मोकळ्या हवेत जाऊन फिरावे असे वाटत होते. यासाठी सिंहगड कधी सुरू होईल याची आतुरतेने वाट बघत होतो. गड आज सकाळी सुरू झाल्याचे समजले आणि आम्ही लगेच निघालो. गडावर येऊन आम्हाला आनंद झाला.