पिंपरी : निसर्ग चक्रीवादळ येणार असल्याचे माहिती असताना प्रशासनाने उपाययोजना का केल्या नाहीत. झाडे पडली. घरांमध्ये पाणी शिरले. नागरिकांचे नुकसान झाले. हे रोखण्यासाठी प्रशासन झोपले होते का? असा सवाल संतप्त नगरसेवकांनी महापालिका सर्वसाधारण सभेत उपस्थित केला. 

ताज्या बातम्यांसाठी डाऊनलोड करा ई-सकाळचे ऍप

महापालिका सर्वसाधारण सभा गुरुवारी दुपारी सुरू झाली आहे. अध्यक्षस्थानी महापौर उषा ढोरे आहेत. सुरवातीला शहरातील मृत व्यक्तींना श्रद्धांजली वाहण्यात आली. त्यानंतर विलास मडिगेरी मारहाणीचा मुद्दा केशव घोळवे यांनी उपस्थित केला. ही घटना शहराला काळीमा फासणारी आहे, पुन्हा अशी घटना घडू नये, घडल्यास संबंधित नगरसेवकांवर कारवाई करावी, अशी भावना घोळवे यांनी व्यक्त केली. त्यास माउली थोरात अनुमोदन दिले. दत्ता साने व भाऊसाहेब भोईर यांनी, मारहाणीची घटना का व कशी घडली? याच्या चौकशीसाठी सर्व पक्षीय सदस्यांची समिती नियुक्त करण्याची मागणी केली. 

गेल्या दोन दिवसांत निसर्ग चक्रीवादळामुळे शहरात मोठे नुकसान झाले आहे. त्याबाबत सर्व पक्षीय नगरसेवकांनी प्रशासनाला धारेवर धरले. याबाबत कोण काय म्हणाले?

पुण्याच्या बातम्या वाचण्यासाठी येथे ► क्लिक करा

सुजाता पलांडे : वादळाबाबत माहिती असताना प्रशासन झोपले होते का
हर्षल ढोरे  : नागरिकांची गैरसोय झाली
राजू मिसाळ : उद्यान विभागाचे सहकार्य मिळाले
शीतल शिंदे : यंत्रणा कमी आहे
मंगला कदम : पावसाळ्यापूर्वी आपत्ती व्यवस्थापनाची मिटिंग का घेतली नाही
वैशाली घोडेकर : सत्ताधा-यांचा प्रशासनावर वचक नाही
संदीप वाघेरे : मनुष्यबळ वाढवा
दत्ता साने : नागरिकांना त्रास होऊ नये
अभिषेक बारणे : सर्वांनी मिळून निर्णय घ्यावा
आशा शेंडगे : आयुक्तांचा अधिका-यांवर वचक असावा
झामाबाई बारणे : प्रशासनाचा हलगर्जीपणा नडला
शर्मिला बाबर : अधिकारी फोन उचलत नाहीत
संतोष लोंढे : अधिका-यांना सूचना करा
उषा मुंडे : नगरसेवकांना त्रास होतोय
स्वाती काटे : अधिकारी ऐकत नाहीत
अजित गव्हाणे : प्रशासन कमी पडले
विकास डोळस : नाकर्ते अधिका-यांवर कारवाई करा
तुषार हिंगे : अधिकारी प्रतिसाद देत नाहीत.