मार्केट यार्ड (पुणे) : फळबाजारात रविवारी (ता.२१) विक्रीसाठी आलेल्या संत्र्यांना विक्रमी भाव मिळाला. बाजारात तीन डझनाच्या संत्र्यांच्या २३० पेट्या आल्या होत्या. त्यातील प्रत्येक पेटीला ६०० रुपये भाव मिळाला.

नगर जिल्ह्यातील कात्रड गावातील शेतकरी प्रकाश दारकुंडे यांनी रविवारी एक टेम्पो संत्री बाजारात विक्रीसाठी पाठविली होती. त्यातील प्रत्येक पेटीला ६०० रुपये भाव मिळाला. तसेच बाजारात इतर संत्र्यांना प्रतवारीनुसार तीन डझनाच्या एका पेटीला ४०० ते ५००, चार डझनाच्या एका पेटीला २५० ते ३०० रुपये भाव मिळाला. आठ दिवसांनी संत्र्याचा दुसरा बहर सुरू होणार असल्याची माहिती व्यापारी कैलास जयसिंघानी यांनी दिली.

- पुणे पोलिसांची सेंच्युरी; गजा मारणे मिरवणुकीप्रकरणी आतापर्यंत १०० जणांना अटक​

बाजारात मिरग बहारातील संत्रीचा हंगाम अंतिम टप्प्यात आला आहे. रविवारी फळबाजारात १० ते १२ टेम्पो संत्री आवक झाली. दारकुंडे यांनी पाठविलेली संत्री दर्जेदार होती. फळांचा आकार मोठा असून चवीला गोड आहे. त्यामुळे संत्र्यांना उच्चांकी भाव मिळाल्याचे व्यापारी जयसिंघानी यांनी सांगितले.

- पुणे शहर आणि जिल्ह्यातील बातम्या वाचण्यासाठी येथे ► क्लिक करा

(Edited by: Ashish N. Kadam)