पिंपरी - सांडपाणी व घनकचरा व्यवस्थापनासाठी महापालिकेने भांडवली खर्चाच्या २५ टक्के तरतूद राखीव ठेवावी, असा राज्य प्रदूषण नियंत्रण मंडळाचा आदेश आहे. मात्र, महापालिकेकडून पूर्ण रक्कम खर्च केली जात नसल्याचे गेल्या तीन वर्षांत आढळून आले आहे. त्याचा खुलासा करण्याचा आदेश मंडळाने महापालिकेला दिला आहे. तर, या बाबत यापुढे दक्षता घेण्याची सूचना राज्याच्या उपसचिवांनी केली आहे.
पालिकेने २०१७-१८ व १८-१९ या वर्षात सांडपाणी व घनकचरा व्यवस्थापनावर खर्च केलेला निधी अनुक्रमे शंभर कोटी १२ लाख आणि डिसेंबर २०१९ अखेरपर्यंत ८२ कोटी तीन लाख रुपये आहे. मात्र, यात सांडपाण्यासह आरोग्य, उद्यान व पर्यावरण विभागांचाही समावेश आहे. त्यामुळे पंचवीस टक्के निधीचा खर्च सांडपाणी व घनकचरा व्यवस्थापनावर झालेला दिसत नाही. याबाबतचा खुलासा करावा, असा आदेश प्रदूषण नियंत्रण मंडळाचे उपप्रादेशिक अधिकारी किरण हसबनीस यांनी महापालिकेच्या पर्यावरण विभागाला दिला आहे.
स्थानिक स्वराज्य संस्थांनी भांडवली खर्चापैकी पंचवीस टक्के तरतूद सांडपाणी व नागरी घनकचरा व्यवस्थापनासाठी राखीव ठेवण्याचा आदेश महाराष्ट्र प्रदूषण नियंत्रण मंडळाने जुलै २०१६ मध्ये दिला आहे. या खर्चाची माहिती दरवर्षी तीस एप्रिलपर्यंत राज्य सरकारचा पर्यावरण विभाग व प्रदूषण नियंत्रण मंडळाकडे द्यायचा असतो.
दरम्यान, महापालिकेने तरतूद केलेली पूर्ण रक्कम सांडपाणी प्रक्रिया यंत्रणा उभारण्यासाठी वापरावी. यामध्ये सविस्तर प्रकल्प अहवाल तयार करणे, सांडपाणी संकलन व प्रक्रिया आणि नागरी घनकचरा प्रक्रिया यंत्रणा उभारणे. केंद्र व राज्य सरकारच्या याबाबतच्या विविध योजनांसाठी महापालिकेने द्यायचा हिस्सा या बाबींचा समावेश आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.