ओतूर, ता. २१ : मद्यप्राशन करून वाहन चालविणाऱ्या चालकांविरुद्ध ओतूर पोलिसांनी कारवाईचा बडगा उगारला. मोटार वाहन अधिनियम कलम १८५ अंतर्गत दाखल तीन प्रकरणांमध्ये आरोपींनी न्यायालयात गुन्ह्याची कबुली दिल्यानंतर न्यायालयाने प्रत्येकी १० हजार रुपयांच्या द्रव्यदंडाची शिक्षा सुनावली.
यामध्ये जुन्नर तालुक्यातील धोलवड येथील अनिल नामदेव नलावडे (वय ४८), हपुसबाग येथील अनिकेत सोमनाथ डोके (वय २१) आणि ओतूर येथील सुशांत दिलीप ठिकेकर (वय ३८) यांच्याविरुद्ध ओतूर पोलिसांनी कारवाई केली होती. या प्रकरणांची सुनावणी जुन्नर येथील न्यायालयात झाली. आरोपींनी गुन्ह्याची कबुली दिल्याने न्यायालयाने तिघांनाही प्रत्येकी १० हजार रुपये द्रव्यदंडाची शिक्षा ठोठावली.
न्यायालयीन कामासाठी पोलिस कर्मचारी ए. एम. भेके, महिला पोलिस मनीषा ताम्हणे, पोलिस कर्मचारी किशोर बर्डे व श्यामसुंदर जायभाये यांनी काम पाहिले.