पुणे : 'आयसीएलईआय' साऊथ एशिया संस्थे मार्फत नुकतेच जागतिक पर्यावरण दिनाचे औचित्य साधून छायाचित्र स्पर्धेचे आयोजन करण्यात आले होते. या स्पर्धेचे आयोजन करण्यात आले होते. 'भारतातील जैवविविधता' संकल्पनेवर आधारित या स्पर्धेत पुण्यातील परितोष सोनवणे यांनी विजेतेपद पटकावले. तसेच अजय हिरेमठ व सोमा दास यांनी द्वितीय तर शागुना राजपुरोहित यांनी तृतीय पारितोषिक पटकावले.

निसर्ग चक्रीवादळाचा महावितरणला शाॅक; `एवढे` झाले नुकसान...

या स्पर्धेचा निकाल 'शहरी विकासात जैवविविधता संवर्धनाचे महत्त्व' या विषयावर एका वेबिनार मार्फत जाहीर करण्यात आले. स्पर्धेत परितोष यांनी पर्यावरणातील समतोल शिकवणारी जैवविविधता सांगणारा (शिकारी विरुद्ध शिकार) व एका चित्तथारक अनुभव जेव्हा महाकाय रान गवा (इंडियन बिसन) आणि एक पट्टेरी वाघ (इंडियन बंगाल टायगर) समोरासमोर येतानाचे छायाचित्र दिले होते. या छायाचित्राच्या माध्यमातून परितोष यांनी 'शिकारी विरुद्ध शिकार' याचे एक अभूतपूर्व नाते अधोरेखित केले.

पुण्याच्या बातम्या वाचण्यासाठी येथे ► क्लिक करा

परितोष हे मूळचे वालचंदनगर (इंदापूर) येथील निवासी असून पुण्यातून वास्तुविशारद या विषयेची पदवी त्यांनी घेतली होती. वाघ व वन्य प्राण्यांच्या प्रेमातून त्यांना छायाचित्रांचा नाद जडला. आपला हा छंद जोपासत त्यांनी जंगलाच्या वाऱ्या सुरू केल्या. अनेक पर्यटकांना अशेच चित्तथरारक क्षण अनुभवावे व जंगल आणि वन्य जीवांची आवड अनेकांना व्हावी या उद्देशाने त्यांनी फिराले ट्रॅव्हल ही पर्यटन संस्था स्थापन केली. तसेच ते या संस्थे मार्फत अनेकांना जंगल व वन्यजीव दर्शन सातत्याने घडवत आहेत.

दुकादारांनो सावधान, नियम मोडले तर...