कँटोन्मेंट (पुणे) : कोरोनाचा प्रादुर्भाव रोखण्यासाठी शासनाकडून लॉकडाउन सुरू केले आहे. अनेक मजूर अजूनही शहरात अडकून पडलेले आहेत, तर काहीजण रस्त्यावरच उन्हापावसात आपले जीवन व्यतीत करीत असताना त्यांची उपासमार होऊ लागली आहे, ही समस्या लक्षात घेऊन वानवडी येथील परमार पार्क सोसायटीकडून मोफत शिधा व अन्नदान वाटपाचा उपक्रम मागील तीन महिन्यांपासून हाती घेतला आहे. 

प्रवाशांच्या गर्दीने रेल्वे स्थानक पुन्हा गजबजले

वानवडी, कोंढवा, कॅम्प आदी भागातील मजुरांसह सफाई कर्मचारी, कचरावेचक, घरकाम करणाऱ्या महिला, झोपडपट्टीतील गरीब व गरजू व कोरोनाग्रस्त रुग्णांनाही सोसायटीकडून ही अन्नदानाची सेवा दिली जात आहे. आतापर्यंत जवळपास पंचवीस हजार गरजूंनी या सेवेचा लाभ घेतला आहे. 

पुण्याच्या बातम्या वाचण्यासाठी येथे ► क्लिक करा

सोसायटीच्या सुमारे ७०० सभासदांमार्फत निधी गोळा करून ही सेवा पुरविली जात आहे. सोसायटीचे अध्यक्ष नितीन हुगे, फुले - आंबेडकर लोकसेवा प्रतिष्ठानचे अध्यक्ष मिलिंद अहिरे, मुस्तफा बोहरी आदींनी या उपक्रमासाठी पुढाकार घेतला आहे.