पवनानगर - मावळ तालुक्‍यासह पिंपरी-चिंचवड शहर तसेच औद्योगिक परिसरात पाणीपुरवठा करणाऱ्या पवना धरणातील पाणीसाठा २०.६३ टक्के झाला आहे. पाऊस लांबणीवर पडल्याने पाणीकपातीचे संकट निर्माण होण्याची शक्‍यता आहे.
जूनच्या पहिल्या किंवा दुसऱ्या आठवड्यात मान्सूनला सुरवात होते. परंतु जून अर्धा संपला तरी पावसाची चाहूल नाही. त्यामुळे भाताची रोपे वाय जाण्याची शक्‍यता व्यक्त होत आहे. पिंपरी-चिंचवडकरांना पाणीकपातीच्या संकटाला सामोरे जावे लागण्याची भीती आहे. पवना धरणातून अंदाजे प्रतिदिन २५ ते ३० दशलक्ष घनफूट पाणी सोडण्यात येते. सध्या धरणात १ हजार ७५७ दशलक्ष घनफूट पाणीसाठा आहे. तो ५५ दिवस पुरेल, असे पाटबंधारे विभागाने सांगितले. १ जूनपासून परिसरात ९४ मिलि पाऊस झाल्याची माहिती शाखा अभियंता मनोहर खाडे यांनी दिली.
पाणीसाठ्यात ४ कोटी लिटरने वाढ
पवना धरणातून चाळीस हजार घनमीटर गाळ काढल्याने यंदा ४ कोटी लिटर पाणीसाठा वाढणार आहे. २० मे ते १० जूनदरम्यान धरणातून गाळ काढला. यामुळे धरणाच्या साठ्यात वाढ होण्याची शक्‍यता आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.