बारामती : उपमुख्यमंत्रिपदी निवड झाल्यानंतर आता अजित पवार यांच्या नागरी सत्कारासाठी बारामती सज्ज झाली आहे. त्यानुसार त्यांच्या मिरवणुकीवर हेलिकॉप्टरच्या माध्यमातून पुष्पवृष्टी करण्यात येणार आहे. त्यानंतर शारदा प्रांगणात अजित पवार यांचा सपत्नीक सत्कार उद्या (शुक्रवार) करण्यात येणार आहे. त्यापूर्वी दुपारी चार वाजता कसब्यातून जीपमधून त्यांची मिरवणूक काढली जाणार आहे.
संस्था व व्यक्तींचा सत्कार स्वीकारुन अजित पवार यांचा संध्याकाळी साडेपाच वाजता शारदा प्रांगणात स्मृतीचिन्ह देऊन सत्कार होणार आहे. येथील अखिल तांदुळवाडी वेस तरुण मंडळाच्या कार्यकर्त्यांकडून अजित पवार यांच्यावर हेलिकॉप्टरमधून पुष्पवृष्टी करण्यात येणार आहे. या मंडळाची स्थापना राष्ट्रवादी काँग्रेसचे अध्यक्ष शरद पवार यांनी केली. त्यामुळे पवार कुटुंबियांचे या मंडळावर विशेष प्रेम आहे.
राष्ट्रवादी काँग्रेस पक्षाचा सहभाग असलेले सरकार सत्तेवर आल्याने तसेच अजित पवार यांची उपमुख्यमंत्रिपदी निवड झाल्याने सर्वांपेक्षा वेगळा सत्कार करण्याची मंडळातील सदस्यांची इच्छा होती. चर्चेअंती सदस्यांनी आपापसात वर्गणी गोळा करून मिरवणूक व सत्कार समारंभावर हेलिकॉप्टरद्वारे पुष्पवृष्टी करण्याचे नियोजन केले. त्यासाठी आवश्यक असणारी जिल्हा प्रशासनाची परवानगीही घेण्यात आली आहे, अशी माहिती मंडळाचे अध्यक्ष श्रीकांत जाधव यांनी दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.