खेड-शिवापूर : गेल्या दोन दिवसांपासून पुणे-सातारा रस्त्यावर खेड-शिवापूर येथील दारू दुकानात दारू घेण्यासाठी पुण्याहून अनेकजण येत आहेत. त्यामुळे या भागात कोरोना संक्रमणाची भीती वाढली आहे. विशेष म्हणजे कात्रज बोगद्याजवळ असलेल्या चेकपोस्टवर कोणालाही अडवले जात नाही. त्यामुळे दारू घेण्यासाठी पुण्याहून अनेकजण मोकाट सुटले आहेत.
सोमवारपासून दारू दुकाने सुरू झाली. त्यामुळे दारु खरेदी करण्यासाठी दारू दुकानांसमोर तळीरामांच्या रांगा लागल्या होत्या. पुणे-सातारा रस्त्यावरील खेड-शिवापूर येथील दारू दुकानातही कालपासून मोठी गर्दी झाली होती. विशेष म्हणजे या गर्दीत पुणे शहरातून दारू घेण्यासाठी आलेल्यांची संख्या मोठी आहे. आजही सकाळपासून येथील दारू दुकानासमोर तळीरामांच्या रांगा लागल्या आहेत. त्यात सर्वात जास्त संख्या पुण्यातून आलेल्यांची आहे.
पुण्याच्या बातम्या वाचण्यासाठी येथे ► क्लिक करा
त्यामुळे इतके दिवस खेड-शिवापूर भाग कोरोना संक्रमानापासून सुरक्षित राहिला आहे. मात्र, दारूच्या निमित्ताने पुण्यातून येणाऱ्या नागरिकांमुळे या भागात कोरोना पसरण्याची भीती स्थानिक नागरिक व्यक्त करत आहेत. त्यासाठी याठिकाणी दारू खरेदी करण्यासाठी आलेल्यांचे स्थानिक ओळखपत्र पाहून दारू द्यावी, अशी मागणी नागरिक करत आहेत.
पोलिस चेकपोस्ट नावाला
पुणे-सातारा रस्त्यावर शिंदेवाडी (ता.भोर) याठिकाणी शहरात जाणाऱ्या आणि येणाऱ्या वाहनांची चोकशी करण्यासाठी पोलिसांचे चेकपोस्ट आहे. मात्र, सध्या त्याठिकाणी कोणालाही अडवले जात नसल्याने पुण्यातून दारू खरेदी करण्यासाठी अनेकजण बिनधास्तपणे खेड-शिवापूरला येत आहेत.
पुण्याच्या बातम्या वाचण्यासाठी येथे ► क्लिक करा
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.