कडूस : 'दादा, गावकऱ्यांना सांगा ना. आमची काही चूक नाही. घाबरू नका. आम्हाला माहिती असतं तर आम्ही गावालाच आलो नसतो,' दाटून आलेल्या कंठातून बाहेर पडलेले हे बोल आहेत मुंबईहून गावी आलेल्या पापळवाडी (ता.खेड) येथील 'त्या' कुटुंबातील युवकाचे ज्या कुटुंबात एकूण चार जण कोरोना पॉझिटिव्ह असल्याचे निष्पन्न झाले आहे.

ताज्या बातम्यांसाठी डाऊनलोड करा ई-सकाळचे ऍप

पापळवाडी येथे मुंबईहून आलेल्या एका कुटुंबात चार जण कोरोना पॉझिटिव्ह सापडले आहेत. कुटुंबातील कर्ता माणूस सोमवारी (ता.25) कोरोना पॉझिटिव्ह सापडला होता. त्यानंतर त्याच्या क्लोज कॉन्टॅक्टमध्ये असलेल्या त्याच्या कुटुंबातील सहा जणांची तपासणी औंध रुग्णालयात करण्यात आली. यात तीन जण पॉझिटिव्ह तर तीन जण निगेटिव्ह आले.

पुण्याच्या बातम्या वाचण्यासाठी येथे ► क्लिक करा

जावई, मुलगी व सहा वर्षाचा नातू यांचा रिपोर्ट निगेटिव्ह आला तर पत्नी, मुलगा व मुलगी पॉझिटिव्ह सापडले. संपूर्ण कुटुंबच कोरोनाबाधित निघाले. मुंबईहून गावी आल्यानंतर कुटुंब होम क्वारंटाईन होते. परंतु क्वारंटाईनच्या बारा दिवसानंतर संपूर्ण कुटुंब कोरोनाबाधित निष्पन्न झाले. 

पुण्याच्या बातम्या वाचण्यासाठी येथे ► क्लिक करा

एकाच कुटुंबात चार जण पॉझिटिव्ह सापडल्याने पापळवाडीसह आजूबाजूच्या चास, बहिरवाडी, मिरजेवाडी, आखरवाडी गावात घबराट पसरली. लोकांच्या उलटसुलट प्रतिक्रिया कानी आल्यानंतर आपले कुटुंब याला जबाबदार असल्याची भावना कुटुंबातील या पंचवीस वर्षीय तरुणाच्या मनात घर करून बसली. ही भावना त्याला आणखी अस्वस्थ करीत होती. 

पुण्याच्या बातम्या वाचण्यासाठी येथे ► क्लिक करा

वडील पॉझिटिव्ह आणि आई, दोन बहीणी, लहान भाचा व मेव्हण्यासह स्वतः तपासणीसाठी औंध रुग्णालयात असताना या तरुणाने 'सकाळ' प्रतिनिधीमार्फत गावकऱ्यांसाठी निरोप दिला. कर्त्या माणसासह संपूर्ण कुटुंब रुग्णालयात असल्याने कुटुंबाला धीर देण्याच्या व काही मदत हवी असल्यास संपर्क साधण्याच्या उद्देशाने 'सकाळ' प्रतिनिधीने या कुटुंबातील युवकाशी संपर्क साधला. त्यावेळी या युवकाने 'सकाळ' प्रतिनिधीकडे आपल्या भावनांना वाट मोकळी करून दिली. बोलताना त्याचा कंठ दाटून आला होता. तो म्हणाला, 'दादा, गावकऱ्यांना सांगा. आमची काही चूक नाही. घाबरू नका. आजारी असल्याचे आम्हांला माहिती असते तर आम्ही गावालाच आलो नसतो.'