पुणे : देशभरात 80 दिवसानंतर पेट्रोल आणि डिझेल वाढ झाली आहे. पेट्रोल आणि डिझेलच्या दरात 60 पैसे प्रति लीटरची वाढ करण्यात आली आहे. पुण्यातही आज मध्यरात्रीपासून नवे दर लागू होत आहे.आंतरराष्ट्रीय पातळीवर कच्च्या तेलाचे दरही 40 डॉलर प्रति बॅरलच्या गेल्याने पेट्रोलियम कंपन्यांनी इंधनाच्या दरात वाढ करण्याचा निर्णय घेतला आहे. लॉकडाउन दरम्यान, इंधनाची मागणी कमी झाल्याने पेट्रोलियम कंपन्यांनी पेट्रोल आणि डिझेलच्या दरात कोणताही बदल केला नव्हता.

मे महिन्यात केंद्र सरकारने पेट्रोलच्या उत्पादन शुल्कात वाढ करण्यात आली होती. त्यानंतर पेट्रोलवरील उत्पादन शुल्क वाढून 22.98 रूपये प्रति लीटर आणि डिझेलवरील उत्पादन शुल्क वाढून 18.83 रूपये प्रति लीटर करण्यात आले होते. उत्पादन शुल्कात वाढ केल्याने गेल्या काही महिन्यांमध्ये कच्च्या तेलाच्या किंमतीत झालेल्या घसरणीचा फायदा ग्राहकांना मिळाला नव्हता. महाराष्ट्रात पेट्रोल आणि डिझेलवर आकारल्या जाणाऱ्या मूल्यवर्धित करावर (व्हॅट) एक जून रोजी अधिभार वाढवल्याने राज्यात इंधनाच्या दरात आधीच वाढ झाली होती. पेट्रोल आणि डिझेलच्या दरात प्रतिलिटर दोन रुपयांची वाढ झाली होती. आता पेट्रोलियम कंपन्यांनी इंधनाच्या दरात आणखी वाढ केली आहे.

असे आहे महत्त्वाच्या शहरांमधील दर

• मुंबई – पेट्रोल 78.91 रूपये आणि डिझेल 69.79 रूपये
• पुणे - पेट्रोल 78.67 रुपये आणि डिझेल 67.55 रुपये
• नवी दिल्ली – पेट्रोल 71.86 रूपये आणि डिझेल 69.99 रूपये
• चेन्नई – पेट्रोल 76.07 रूपये आणि डिझेल 68.74 रूपये
• हैदराबाद – पेट्रोल 74.61 रूपये आणि डिझेल 68.42 रूपये
• बंगळुरू – पेट्रोल 74.18 रूपये आणि डिझेल 66.54 रूपये