पिंपरी  - अमृत योजनेअंतर्गत शहरात जलवाहिन्या टाकण्याचे काम सुरू झाले आहे. त्यामुळे येत्या दोन वर्षांत शहरातील ८५ हजार ४८ कुटुंबांना २४ तास पाणीपुरवठा होणार आहे. या कामासाठी सुमारे २४० कोटी ४६ लाख रुपये खर्च अपेक्षित आहे. 

शहरातील ४० टक्के भागाला २४ तास पाणीपुरवठा केला जात आहे. उर्वरित ६० टक्के भागासाठी अमृत योजनेतून पाणीपुरवठा केला जाणार आहे. त्यासाठी केंद्र सरकारचे ५० टक्के व राज्य सरकारचे २५ टक्के अनुदान मिळणार आहे. महापालिका २५ टक्के खर्च करणार आहे. दोन टप्प्यांत ही कामे होणार आहेत. त्यासाठी चार निविदा काढल्या असून, ठेकेदारांना वर्कऑर्डर दिल्या आहेत. काम पूर्ण करण्यासाठी त्यांना २४ महिन्यांची मुदत आहे. सध्या निगडीतील भक्ती-शक्ती चौक ते आकुर्डीतील खंडोबा माळ चौकातील पाण्याची टाकी आणि चिंचवड येथील बिजलीनगर ते वेताळनगर या दरम्यान जलवाहिन्या टाकण्याचे काम सुरू आहे. सर्व कामासाठी २०० मिलिमीटर व्यासाच्या १३६.७१ किलोमीटर आणि २०० मिलिमीटरपेक्षा कमी व्यासाच्या ४००.३७ किलोमीटर अंतरावर जलवाहिन्या टाकण्यात येणार आहेत. 

अमृत योजनेअंतर्गत शहरातील ६० टक्के भागाला २४ तास पाणीपुरवठा करण्याचे नियोजन आहे. ठेकेदारांना वर्कऑर्डर दिलेल्या असून काम सुरू झाले आहे. 
- रवींद्र दुधेकर, कार्यकारी अभियंता, महापालिका

 पॅकेज 1
 किंमत - ५१.०१ कोटी
 ठेकेदार - अरिहंत कन्स्ट्रक्‍शन
 कुटुंबे - १७,६६६
 भाग - पिंपरी, पिंपळे सौदागर, पिंपळे गुरव, पिंपरी कॅम्प, दापोडी, रावेत, मामुर्डी, प्राधिकरण पेठ क्रमांक २८, सर्व्हे क्रमांक ९६

पॅकेज 2
 किंमत - ६१.२२ कोटी
 ठेकेदार - अरिहंत कन्स्ट्रक्‍शन
 कुटुंबे - १९,२७८
 भाग - काळा खडक, लक्ष्मण नगर, काळेवाडी, रहाटणी, पुनवळे, थेरगाव गावठाण, कावेरीनागर, पिंपळे निलख.

पॅकेज 3
 किंमत - ५४.३३ कोटी
 ठेकेदार - पी. पी. गोगड इंजिनिअरिंग अँड काँट्रॅक्‍टर
 कुटुंबे - २४,६०४
 भाग - कुदळवाडी, जाधववाडी, खंडोबा माळ, मोरेवस्ती, चिखली, पेठ क्रमांक १ व २, रुपीनगर, शाहूनगर, पाटीलनगर.

पॅकेज 4
 किंमत - ५५ कोटी
 ठेकेदार - शिवरत्न कन्स्ट्रक्‍शन
 कुटुंबे - २३,५००
 भाग - नेहरूनगर, पांजरपोळ, मोशी, वडमुखवाडी, चऱ्होली, बोपखेल, दिघी, मॅगझीन कॉर्नर, डुडुळगाव, इंद्रायणीनगर, कासारवाडी.