- प्रकल्प उभारणीच्या कामाची वर्षपूर्ती 
- बालगंधर्वमध्ये विशेष कार्यक्रम 
- "महामेट्रो'कडून पिंपरीत आज पाहणी 
- पुढील कामाची दिशा ठरविली जाणार 

पिंपरी-चिंचवड शहरात 61 मीटर रुंदीच्या रस्त्यावर मेट्रो प्रकल्पाचे काम सुरू झाले आहे. त्यामुळे येथील वाहतुकीला अडथळा न येता कामे मोठ्या गतीने सुरू आहेत. या भागातील चार स्थानकांची कामे, तसेच निम्म्यापेक्षा अधिक मार्ग येत्या वर्ष-दीड वर्षात पूर्ण होतील. मेट्रोची पहिली धावही पिंपरी-चिंचवडमध्ये होण्याची शक्‍यता आहे. पुणे व पिंपरी-चिंचवड विभागातील पहिली मेट्रो पिंपरी महापालिका भवन ते शिवाजीनगर धान्यगोदामापर्यंत येत्या अडीच वर्षांत धावणार आहे. त्याच काळात पिंपरीपासून निगडीपर्यंत मेट्रो नेण्यासाठीच्या हालचाली गतिमान होण्याची चिन्हे आहेत. 

दृष्टिक्षेपात मेट्रो मार्ग 
- महापालिका भवन ते दापोडीपर्यंत सहा किलोमीटर अंतर 
- पहिल्या खांबाचे फाउंडेशन घेण्यास जून 2017 मध्ये प्रारंभ 
- जानेवारी 2018 पर्यंत 75 खांबांचे फाउंडेशन पूर्ण 
- आतापर्यंत उभारलेले खांब 32 
- खांबावर पिअर कॅप 10 
- खराळवाडी ते नाशिक फाटा व फुगेवाडी ते दापोडी दरम्यान काम सुरू 

सेंगमेंट टाकण्यास प्रारंभ 
- खराळवाडीत दोन खांबांवर पिअर कॅपमध्ये सेंगमेंट बसविण्यास सुरवात 
- दोन खांबांमध्ये सेगमेंट दहा 
- दहा सेगमेंटच्या पहिला स्पॅनची उभारणी पूर्ण 

सेगमेंट लॉंचर पंधरवड्यात 
- वाहतुकीमुळे एका रात्रीत एक सेगमेंट बसविला 
- पहिल्या स्पॅनला जमिनीवरून आधार देऊन उभारणी 
- चीनवरून सेगमेंट लॉंचर पिंपरीत दाखल 
- पहिल्या स्पॅनला वायरिंग करून सेगमेंट एकजीव करणार 
- सेगमेंट लॉंचर पंधरवड्यात बसविणार 
- सेगमेंट बसविणे सुलभ 
- एका रात्रीत पाच सेगमेंट बसविणार 
- दोन दिवसांत दोन खांबातील स्पॅनची उभारणी 
- स्पॅनच्या वरून दोन्ही मार्ग जाणार 

संत तुकारामनगर स्थानकाचे काम सुरू 
- पालकमंत्री गिरीश बापट यांच्या हस्ते भूमिपूजन 
- स्थानकासाठी दहा खांब 
- पाच खांबांचे फाउंडेशन पूर्ण 
- पादचारी मार्गासाठी सरकते जिने उभारणीसाठी पदपथावरील पायाच्या कामाला प्रारंभ 
- दोन महिन्यांत तेथील खांबांचे काम पूर्ण 
- जानेवारी 2019 पर्यंत स्थानक उभारणार 

तीन स्थानकांची कामे लवकरच 
- कासारवाडी, फुगेवाडी, दापोडी स्थानकांची कामेही लवकरच सुरू 
- ग्राउंड पेनिस्ट्रेशन रडारच्या (जीपीआर) साह्याने जमिनीची तपासणी पूर्ण 
- महापालिका हद्दीत एकूण सहा स्थानके 
- भोसरी व महापालिका भवन येथील स्थानके शेवटच्या टप्प्यात 

मुळा नदीपात्रात खांब 
- दोन हॅरिस पुलांमधील जागेत मेट्रोचे खांब 
- मुळा नदीपात्रात दहा खांब 
- पहिल्या खांबासाठी जमिनीच्या सपाटीकरणाला प्रारंभ 
- मेपर्यंत पाच खांबांची उभारणी 
- पावसाळ्यानंतर डिसेंबरमध्ये पुढील खांबांचे बांधकाम 

खडकीमध्ये अडचणी 
- संरक्षण दलाकडून जागा मिळण्यास विलंब 
- 22 मीटरचा रस्ता असल्याने वाहतुकीला अडथळा 
- पुणे महापालिकेकडून काही भागात रस्ता रुंदीकरणास सुरवात 
- दोन महिन्यांत मेट्रोच्या खांब उभारणी सुरू होण्याची शक्‍यता 

निगडीपर्यंत मेट्रोची मागणी 
- पहिला टप्पा पिंपरी महापालिका भवनापर्यंत 
- महापालिकेतर्फे पिंपरी ते निगडी सविस्तर प्रकल्प आराखड्यासाठी (डीपीआर) निधी 
- महामेट्रो करणार डीपीआर 
- दहा महिन्यांत डीपीआर झाल्यानंतर राज्य व केंद्राच्या मंजुरीसाठी सादर 
- एका किलोमीटरसाठी लागणार 120 ते 140 कोटी रुपये 
- निगडीपर्यंतच्या सहा किलोमीटरसाठी 720 ते 840 कोटी रुपयांची आवश्‍यकता 

आकडे बोलतात... 
एकूण खांब 412 
खांबांचे फाउंडेशन 75 
खांब उभारणी 32 
पीअरकॅपसह खांब 10 
तयार सेगमेंट 102 
बसविलेले सेगमेंट 10