निगडी - संत तुकारामनगर, काळेवाडी, रहाटणी, चिंचवड येथील व्यावसायिकांवर अन्नधान्य वितरण विभागाने छापे टाकले. घरगुती गॅसच्या टाक्यांचा व्यावसायिक कारणासाठी वापर करणाऱ्यांवर ही कारवाई करून 80 गॅस टाक्या जप्त केल्या. अन्नधान्य वितरण विभागाने सलग दोन दिवस ही कारवाई केली.
व्यावसायिक गॅस टाक्यांऐवजी व्यावसायिक घरगुती गॅसच्या टाक्या वापरल्या जात असल्याच्या तक्रारी पुरवठा विभागाकडे येत होत्या. या पार्श्वभूमीवर पुरवठा विभागाने शहराच्या विविध ठिकाणी छापे टाकले. अन्नधान्य वितरण अधिकारी रघुनाथ पोटे व परिमंडळ अधिकारी दिनेश तावरे, वाकड पोलिस ठाण्याचे सहायक पोलिस निरीक्षक अभिजित जाधव, पुरवठा अधिकारी गणेश सोमवंशी, प्रशांत ओव्होळ व बबन माने यांच्या पथकाने ही कारवाई केली. तसेच सुनील कास्टेवाड, संतोष लिमकर, श्रीराम गायकवाड, बाबासाहेब ठोंबरे व गणपत राजे तसेच पोलिस शिपाई ए. एस. जाधव, हवालदार एस. सी. पन्हाळे, व्ही. टी. खोमणे, बी. ए. लाळगे व चिंचवड पोलिस ठाण्याचे पोलिस नाईक एस. टी. ढवळे यांच्या भरारी पथकाने ही कारवाई केली.
बेकादा गॅस टाक्या वापरणाऱ्यांवर कारवाईचे आदेश वरिष्ठ कार्यालयाकडून दिल्याने ही कारवाई करण्यात आली. पिंपरी-चिंचवड शहरात जिल्हाधिकाऱ्यांच्या सूचनेनुसार बेकायदा गॅस टाक्या वापरणाऱ्या व्यावसायिकांवर यापुढेही कारवाई करण्यात येईल.
दिनेश तावरे, परिमंडळ अधिकारी
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.