उंड्री : पिसोळीतील धर्मावत पेट्रोल पंपाच्या पाठीमागील रस्त्याने कामावरून घरी जाणाऱ्या कामगाराला लुटणाऱ्या तिघांना कोंढवा पोलिसांनी जेरबंद केले. शनिवारी (दि. १३ नोव्हेंबर) रात्री साडेआठच्या सुमारास अडवून एक हजार ७०० रुपये, एटीएमसह महत्त्वाची कागदपत्रे जबरदस्तीने चोरून नेली होती.
सोहेल फारुख शेख (वय २३), गोविंद विनायक हाके (वय २१), राहील माजिद शेख (वय २१, तिघे रा. शिवनेरीनगर, कोंढवा खुर्द, पुणे) अशी अटक केलेल्या तिघांची नावे आहेत. याप्रकरणी पिसोळीतील २६ वर्षीय तरुणाने कोंढवा पोलिसांत फिर्याद दिली होती, त्यानुसार गुन्हा दाखल करून तिघांना अटक केली आहे.
पोलिसांनी सांगितले की, पिसोळी (ता. हवेली) येथील धर्मावत पेट्रोल पंपाच्या पाठीमागील रस्त्यावरून फिर्यादी कामावरून घरी पायी जात होते. त्यावेळी आरोपींनी दुचाकी त्यांच्या जवळ नेत रोख एक हजार ७०० रुपये,एटीएम कार्ड आणि महत्त्वाची कागदपत्रे जबरदस्तीने चोरून नेली. कोंढवा पोलीस स्टेशनचे वरिष्ठ पोलीस निरीक्षक सरदार पाटील यांच्या मार्गदर्शनाखाली पोलीस उपनिरीक्षक सुरवसे पुढील तपास करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.