चास, ता. ७ : कडधे (ता. खेड) येथील श्री सिद्धेश्वर विद्यालय वेताळेच्या भागशाळेत कडधे विद्यालयाच्या परिसरात बुधवारी (ता. ५) पर्यावरण दिन उत्साहात साजरा केला. यावेळी उपस्थितांच्यावतीने सत्तर झाडांचे रोपण केले.

पर्यावरण दिनाचे औचित्य साधून एच. वाय. टी. इंजिनिअरिंग पिंपरी पुणे या कंपनीच्या समुहाने विद्यालयात येऊन वृक्षारोपण केले. यावेळी त्यांनी आंबा, चिंच आणि निंब यांची ७० रोपांची लागवड केली. त्याचप्रमाणे शाळेभोवताली असणाऱ्या सर्व वृक्षांना पाणी देण्यासाठी पाण्याची ड्रीप लाईन सिस्टीमसह मंजूर केली.

याप्रसंगी एच. वाय. टी. कंपनीचे अॅनी अलबुक्युरक्यु, वर्षा हुले, संध्या सिंग, संभाजी यादव, बाळासाहेब राठोड, प्रेमराज वागस्कर, विनय सांगोलकर, चंद्रकांत सहाणे आणि हर्षद कोबल उपस्थित होते. यावेळी विद्यालयाचे मुख्याध्यापक बाळासाहेब रणपिसे यांनी सर्व मान्यवरांचे पुष्पगुच्छ देऊन आभार मानले. कार्यक्रमाचे सूत्रसंचालन आणि आभार मिलिंद कोबल यांनी मानले.