वेल्हे (पुणे) : वेल्हे तालुक्यातील पानशेत परिसरातील घोमदांडवस्ती, टाकेवस्ती (धनगर वस्ती) गेल्या एक महिन्यापासून अंधारात असल्याने नागरीकांसह, जनावरांचे मोठ्या प्रमाणात हाल होत आहेत. पानशेत परिसरातील टेकपोळे ग्रुप ग्रामपंचायतीच्या हद्दीत घोमदांड वस्ती, टाकेवस्ती पानशेत ते या वस्तींचे अंतर ४६ किलोमीटर आहे. या वस्त्यांवर दहा ते बारा घरे आहेत. या ठिकाणी चाळीस ते पन्नास नागरीक राहतात. या वस्तीवरील महावितरणचे विजेचे खांब पडले असून, गेल्या महिनाभरापासून या ठिकाणी वीज नसल्याने येथील नागरीकांचे मोठे हाल होत आहेत. पिण्याच्या पाण्यासाठी येथील महिलांना दोन ते तीन किलोमीटर पिण्याच्या पाण्यासाठी उन्हात वणवण करावी लागत आहे. 

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

येथील जनावरांचेसुध्दा मोठे हाल होत आहेत. याबाबत संबधित विभागाला वारंवार कळवूनही दुर्लक्ष केल्याने येथील नागरीकांनी या परिसरातील सामाजिक कार्येकते अजिंक्य पोळेकर यांच्याशी 
संपर्क साधला. या ठिकाणी २३ मार्च रोजी पोळेकर यांच्यासह सागर पोळेकर, आशिष उत्तेकर, सचिन मोरे, किरण पोळेकर यांनी या परिसराची पाहणी करत नागरीकांच्या अडचणी जाणून घेवून संबधित महिला नागरीकांचे फोटो व व्हिडीओ सोशल मिडीयावर व्हायरल केले. याबाबतीत वाचा फोडण्यासाठी 'सकाळ'च्या वेल्हे बातमीदाराशी संपर्क साधला.

कायद्याच बोला; दंड भरल्यावर पुणे पोलिसांनी काढला 'अ‍ॅम्बुलन्स'चा जॅमर 

याबाबत महावितरणचे अभिजीत भोसले यांच्याशी संपर्क साधला असता याठिकाणी विजेच्या खांबाला जेसीबीची धडक बसल्याने याठिकाणचा विद्युत प्रवाह बंद पडला असून, दोन दिवसांतच या ठिकाणचा विद्युत प्रवाह चालू होईल.

येथील महिलांना पिण्याच्या पाण्यासाठी वणवण करावी लागत आहे. नागरीकांसह, जनावरांचे मोठ्या प्रमाणात हाल होत आहेत. -अजिंक्य पोळेकर, नागरिक 

(संपादन : सागर डी. शेलार)