पुणे : घोरपडी येथील 'नॅशनल वॉर मेमोरिअल' ची दुरुस्ती आणि परमवीर चक्र मिळविलेल्या जवानांचे अर्ध पुतळे बसविण्यासाठीचा तीस लाख रुपयांपर्यंतचा खर्च महापालिकेने करण्यासंदर्भातील प्रस्ताव महापालिका आयुक्तांनी स्थायी समिती समोर ठेवला आहे. 

- औरंगाबाद महापालिकेत सत्ता आली तर संभाजीनगरचा ठराव देऊ : चंद्रकांत पाटील​

पुणे कॅन्टोन्मेंटच्या हद्दीत असलेल्या मोरवाडा जंक्‍शन जवळ लष्कराच्या वतीने 'नॅशनल वॉर मेमोरिअल' उभारण्यात आले आहे. या ठिकाणी लष्करातील शहीद सैनिक व अधिकारी यांचे स्मृतिस्तंभ आहेत. याच परिसरात संरक्षक विषयक म्युझियम, वॉर मेमोरिअल, रणगाडे, युद्धामध्ये वापरलेली आयुधेही ठेवण्यात आली आहेत. 2006 मध्ये नॅशनल वॉर मेमोरियलचा पर्यटन स्थळांमध्ये समावेश करण्यात आला आहे. पीएमपीएमएलच्या पुणे दर्शन अंतर्गत या वॉर मेमोरिअलला पर्यटक भेट देत असतात. 

- नववर्षात पुणेकरांना लागली सिंहगडाची ओढ; मागील 3 दिवसांपासून पर्यटकांची गर्दी​

सध्या सदर्न कमांडच्या वतीने या नॅशनल वॉर मेमोरिअलच्या नूतनीकरणाचे काम हाती घेण्यात आले आहे. याठिकाणी फायबर मटेरिअल वापरून परमवीर चक्र मिळविलेल्या लष्करी अधिकाऱ्यांचे अर्ध पुतळे, आरसीसी पिलर व वॉल तसेच लायटिंग, साउंड सिस्टिम व अन्य सुशोभीकरणाच्या कामांचे नियोजन आहे. या सर्व कामांसाठी तीस लाख रुपये खर्च अपेक्षित असून महापालिकेने यासाठी सहकार्य करावे, असे आवाहन सदर्न कमांडच्या वतीने महापालिका आयुक्तांना करण्यात आले होते. त्यानुसार महापालिका आयुक्तांनी हा प्रस्ताव स्थायी समितीपुढे ठेवला आहे.

- पुण्याच्या बातम्या वाचण्यासाठी येथे ► क्लिक करा

(Edited by: Ashish N. Kadam)