घोले रस्ता - अपुऱ्या पाणीपुरवठ्यामुळे हैराण झालेल्या रेव्हेन्यू कॉलनीतील रहिवाशांनी रविवारी सकाळी महापौर बंगल्याच्या दारात ठिय्या आंदोलन केले. 
पुणे

#PMCIssue पाण्यासाठी नागरिक महापौरांच्या दारात

सकाळवृत्तसेवा

पुणे - पुणेकरांना सलग पाच तास पुरेशा दाबाने पाणीपुरवठा करण्याची योजना सोमवारपासून अमलात येणार असतानाच गेली काही दिवस पाण्याअभावी हैराण झालेल्या शिवाजीनगर परिसरातील नागरिकांनी रविवारी सकाळी थेट महापौर बंगला गाठून त्याठिकाणी ठिय्या आंदोलन केले.

‘सणासुदीत तरी पाणी द्या,’ अशी मागणी करीत पाणी मिळाल्याशिवाय आंदोलन मागे घेणार नसल्याची भूमिका या वेळी महिलांनी घेतली. त्यानंतर परिसराला सायंकाळपासून पाणीपुरवठा करण्याचे आश्‍वासन महापौरांनी दिल्यानंतर हे आंदोलन मागे घेण्यात आले. 

शिवाजीनगर पोलिस वसाहतीसह मॉडेल कॉलनी, रेव्हेन्यू कॉलनीतील रहिवाशांना गेल्या काही दिवसांपासून पाणीटंचाईला तोंड द्यावे लागत आहेत. त्याबाबत रहिवाशांनी वारंवार तक्रारीही केल्या होत्या. तरीही पाणीपुरवठा सुरळीत न झाल्याने रहिवाशांनी महापौर बंगल्याच्या दारात ठिय्या आंदोलन केले. याप्रकरणी खासदार अनिल शिरोळे, महापौर मुक्ता टिळक, शिरोळे, नगरसेविका जोत्स्ना एकबोटे, निलिमा खाडे आणि आयुक्‍त  सौरभ राव यांची बैठक झाली.

कमी दाबाने पाणी येत असल्याने १५ ते २० दिवसांपासून आमची धावपळ होत आहे. रोजच्या वेळापत्रकानुसारही पाणी मिळत नाही. वारंवार तक्रार करूनही पाणी मिळत नाही. 
- विजया धर्माधिकारी

महापालिकेला अनेक वेळा निवेदने दिली. मात्र, प्रशासनाकडून त्यांना केराची टोपली दाखविण्यात आली. ऐन सणासुदीत पाणी मिळत नसल्याने आम्ही काय करायचे?
- डॉ. सुकुमार सरदेशमुख

नगरसेवक, आमदार यांच्याकडे पाणीपुरवठा सुरळीत करण्यासाठी मागणी केली आहे. पण, त्यांच्याकडून केवळ आम्हाला आश्‍वासने देण्यात आली आहे. 
-शुभदा कुलकर्णी

ज्या भागात पाणीपुरवठा सुरळीत नाही, तेथे पुरेसे पाणी पुरविण्यात येत आहे. रेव्हेन्यू कॉलनीतील रहिवाशांना कमी पाणी मिळते. आता त्यांना पाणीपुरवठा करण्यासाठी स्वतंत्र व्यवस्था केली जाणार आहे.
- मुक्‍ता टिळक, महापाैर

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

MG Road वरील खाऊ गल्लीत FDA ची धडक कारवाई; परवाना नसलेल्या पाच खाद्यविक्रेत्यांना व्यवसाय बंद करण्याचे आदेश

Yuzvendra Chahal 400 T20 Wickets: युझवेंद्र चहलने इतिहास रचला... ट्वेंटी-२०मध्ये असा पराक्रम करणारा पहिला भारतीय गोलंदाज

Youngest Demat Account Holder : वय अवघे ६ दिवस अन् थेट शेअर बाजारात एन्ट्री! १२ दिवसांचा जुना रेकॉर्ड मोडत दिल्लीच्या चिमुकल्याने रचला नवा विश्वविक्रम

Sudhir Mungantiwar : "आपलं सरकार इंग्रजांपेक्षाही वाईट..."; सुधीर मुनगंटीवार आक्रमक, मुख्यमंत्र्यांसमोरच मांडली भूमिका, नेमकं काय घडलं?

Latest Marathi News Live Update : सोनं-चांदी दरात पुन्हा घसरण; सोनं 2 हजार 800 रुपयांनी तर चांदी चार हजार रुपयांनी घसरली

SCROLL FOR NEXT