पुणे : पुणे महापालिकेच्या वर्तुळाला प्रचंड घाबरविलेल्या पदाधिकारी महिलेच्या कोरोना तपासणीचा अहवाल निगेटिव्ह आल्याने महापालिकेतील पदाधिकारी-अधिकाऱ्यांना दिलासा मिळाला आहे. मात्र संबंधित महिलेला किमान सात दिवस तरी घरीच विलग (क्वारंटाईन) व्हावे लागणार असल्याचे आरोग्य अधिकारी सांगत आहेत. पुढच्या आठवड्यात पुन्हा ‘स्वॅब’घेण्यात येणार आहे, असेही सांगण्यात आले.

ताज्या बातम्यांसाठी डाऊनलोड करा ई-सकाळचे ऍप

इतर आजाराच्या उपचारासाठी खासगी रुग्णालयात दाखल झालेल्या पदाधिकारी महिलेच्या पतीला कोरोना झाल्याचे निष्पन्न झाले होते. मात्र, तपासणी अहवाल येण्याआधी संबंधित महिला कोरोनाला अटकाव करण्यासाठी सोमवारी बोलविलेल्या एका बैठकीला हजेर होत्या. या बैठकीला महापौर मुरलीधर मोहोळ यांच्यासह सर्व पदधिकारी, आयुक्त शेखर गायकवाड, अरिरिक्त आयुक्त रुबल अग्रवाल यांच्यासह सर्व खातेप्रमुख उपस्थितीत होते. ही बैठक संपताच पदाधिकारी महिलेच्या पतीला कोरोना झाल्याचे पुढे आले. त्यामुळे पदाधिकारी-अधिकारी सगळीच प्रचंड घाबरले आणि या सगळ्या जणांना आता क्वारंटाईन करावेच लागण्याच्या शक्यतेने हालचाली सुरू झाल्या होत्या.

पुण्याच्या बातम्या वाचण्यासाठी येथे ► क्लिक करा

मात्र, तपासणीनंतर काही तासांत म्हणजे सोमवारी पदाधिकारी महिलेचा अहवाल निगेटिव्ह आल्याचे महापालिकेकडून सांगण्यात आले. त्यामुळे गेल्या ४८ तास धाकधूक राहिलेल्या पदाधिकारी -अधिकाऱ्यांना दिलासा मिळाला आहे. तरीही काही पदाधिकारी हे विलग राहणार असल्याचे सांगण्यात आले आहे.

पुण्याच्या बातम्या वाचण्यासाठी येथे ► क्लिक करा

पहिल्यांदा अहवाल निगेटिव्ह आला तरी, तो पुन्हा पॉझिटिव्ह येऊ शकतो. राज्यातील एका बड्या राजकीय नेत्यांचा दुसरा अहवाल पॉझिटिव्ह आला होता. त्यामुळे संबंधित महिलेला घरीच विलग राहण्याचा सल्ला देण्यात आला आहे. तरी, या घटनेने चिंतेत पडलेले काही पदाधिकारीही स्वत:ला विलग ठेवणार आहेत.

पुण्याच्या बातम्या वाचण्यासाठी येथे ► क्लिक करा

दरम्यान, रुग्णांना घरातील व्यक्तीलाच विलग ठेक्यात येणार आहे. बैठकीला हजर असलेल्यांना विलग ठेवण्याची गरज नाही. मात्र, पुढच्या सात दिवसांनी पुन्हा एकदा तपासणी केली जाणार असल्याचे महापालिकेच्या आरोग्य खात्याने स्पष्ट केले.