पुणे

#PmcIssue खासगी प्रॅक्‍टीस करणारे डॉक्‍टर रडारवर 

दिलीप कुऱ्हाडे

येरवडा : पुणे महापालिकेच्या आरोग्य विभागातील वैद्यकीय अधिकारी इतर रुग्णालयांमध्ये दुसऱ्यांच्या नावाने खासगी प्रॅक्‍टीस करीत असल्याचे उघड झाले असून, याची दखल घेऊन या विभागाने पावले उचलली आहेत. अशा डॉक्‍टरांवर आयुक्तांच्या आदेशानुसार कडक कारवाई करण्याचा इशारा आरोग्यप्रमुख डॉ. रामचंद्र हंकारे यांनी दिला आहे. 

महापालिकेच्या आरोग्य विभागात 156 वैद्यकीय अधिकारी आहेत. महापालिका डॉक्‍टरांना लाखाच्या वर पगार देते. त्यांनी खासगी रुग्णालयात काम करू नये, शहरातील गरीब व गरजू रुग्णांना चांगली सेवा द्यावी, यासाठी त्यांना पगाराच्या तब्बल 35 टक्के "नॉन प्रॅक्‍टीसिंग अलाउन्स' दिला जातो. तरीही अनेक डॉक्‍टर नियमबाह्यपणे खासगी मोठ्या रुग्णालयांत वैद्यकीय व्यवसाय करीत आहेत. यातील अनेक डॉक्‍टरांना राजकीय वरदहस्त असल्यामुळे त्यांच्यावर अंकुश ठेवण्यास महापालिकेला अपयश आले आहे. 

महापालिकेच्या आरोग्य विभागातील अनेक डॉक्‍टर खासगी रुग्णालयात किंवा स्वत:च्या रुग्णालयात वैद्यकीय व्यवसाय करतात. त्यामुळे नोकरीला असलेल्या ठिकाणी (उदा. कमला नेहरू रुग्णालय, राजीव गांधी रुग्णालय) ते वेळेत न पोचल्याने रुग्णांचा जीव धोक्‍यात आल्याची प्रकरणे घडली. काही महिन्यांपूर्वी राजीव गांधी रुग्णालयात गर्भवती माता शुभांगी जानकर यांचा बाळासह मृत्यू झाला होता. त्यांच्या मृत्यूला जबाबदार असलेले व सध्या निलंबित असलेले डॉ. विजय बडे दिघी येथील त्यांच्या रुग्णालयात वैद्यकीय व्यवसाय करायचे. याबाबत वरिष्ठ अधिकाऱ्यांनी त्यांना वेळोवेळी तंबी दिली होती. 

महापालिकेच्या रुग्णालयांमध्ये डॉक्‍टरांची संख्या कमी आहे. अशा वेळी काही वैद्यकीय अधिकारी "नॉन प्रॅक्‍टीसिंग अलाउन्स' घेऊन खासगी रुग्णालयात वैद्यकीय व्यवसाय करीत असल्यास त्यांच्यावर कारवाई केली जाईल. 
- डॉ. रामचंद्र हंकारे, आरोग्य प्रमुख, पुणे महापालिका 

डझनभर डॉक्‍टर सतत गैरहजर 
महापालिकेत नोकरी करणारे व "नॉन प्रॅक्‍टीसिंग अलाउन्स' घेणारे वैद्यकीय अधिकारी स्वत:च्या व दुसऱ्यांच्या नावाने भोसरी, दिघी, हडपसर, वारजे, पिंपळे-गुरव आदी ठिकाणी असलेल्या रुग्णालयांत वैद्यकीय व्यवसाय करीत आहेत. तर, तब्बल डझनभर डॉक्‍टर सतत गैरहजर असतात; मात्र अद्याप त्यांच्यावर कारवाई करण्यात आली नसल्याचे अधिकृत सूत्रांनी सांगितले. 

 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

MG Road वरील खाऊ गल्लीत FDA ची धडक कारवाई; परवाना नसलेल्या पाच खाद्यविक्रेत्यांना व्यवसाय बंद करण्याचे आदेश

Yuzvendra Chahal 400 T20 Wickets: युझवेंद्र चहलने इतिहास रचला... ट्वेंटी-२०मध्ये असा पराक्रम करणारा पहिला भारतीय गोलंदाज

Youngest Demat Account Holder : वय अवघे ६ दिवस अन् थेट शेअर बाजारात एन्ट्री! १२ दिवसांचा जुना रेकॉर्ड मोडत दिल्लीच्या चिमुकल्याने रचला नवा विश्वविक्रम

Sudhir Mungantiwar : "आपलं सरकार इंग्रजांपेक्षाही वाईट..."; सुधीर मुनगंटीवार आक्रमक, मुख्यमंत्र्यांसमोरच मांडली भूमिका, नेमकं काय घडलं?

Latest Marathi News Live Update : सोनं-चांदी दरात पुन्हा घसरण; सोनं 2 हजार 800 रुपयांनी तर चांदी चार हजार रुपयांनी घसरली

SCROLL FOR NEXT