पुणे - सततचा पाऊस, खड्डे आणि वाहतूक कोंडी, यामुळे पीएमपीच्या बसवर विपरीत परिणाम होऊन मंगळवारी रात्री नऊवाजेपर्यंत तब्बल 140 बस बंद पडल्या.
शहराच्या वेगवेगळ्या भागांत मंगळवारी सकाळी 9 वाजल्यापासूनच बस बंद पडत गेल्या. त्यात पीएमपीच्या 50 तर खासगी ठेकेदारांच्या 90 बसचा समावेश आहे. त्यामुळे अनेक मार्गांवरील बसच्या वाहतुकीचे वेळापत्रक कोलमडले. त्यामुळे प्रवाशांचीही मोठ्या प्रमाणात गैरसोय झाली. याबाबत विचारणा केल्यावर, कंत्राटदारांच्या बसच्या देखभाल दुरुस्तीच्या समस्या वाढल्या आहेत. त्यांच्या बस नव्या असूनही त्या मोठ्या संख्येने बंद पडत आहेत, असे सांगण्यात आले. पीएमपीच्या 400 बसचे आयुर्मान 12 वर्षांपेक्षा जास्त झाले आहेत. त्यातील 100 बस नुकत्याच बाद करण्यात आल्या आहेत. मात्र, आयुर्मान संपलेल्या बस दुरुस्त करून चालविण्यावर मर्यादा येत आहेत, असे पीएमपी प्रशासनाकडून सांगण्यात आले.
मंगळवारी सकाळी व सायंकाळी ऐन रहदारीच्या वेळी कर्वे रस्त्यावरील स्वातंत्र्य चौक, कर्वेनगर येथील राजाराम पूल, पौड फाटा, स्वारगेट येथील जेधे चौक, डेक्कन येथील खंडुजीबाबा चौक, शिवाजीनगर येथील शिवाजी पुतळा चौक, बाजीराव रस्त्यावर दक्षिणमुखी मारुती मंदिर या ठिकाणी ऐन रहदारीच्या वेळी पीएमपीएल बस बंद पडल्याने वाहतूक कोंडी झाली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.