पुणे - शहराबाहेर प्रवाशांची सुविधा व्हावी म्हणून पुणे महानगर परिवहन महामंडळाने (पीएमपी) पुणे महानगर प्रादेशिक विकास प्राधिकरणाच्या (पीएमआरडीए) हद्दीत सुरू केलेल्या सेवेस प्रवाशांचा चांगला प्रतिसाद मिळत आहे. पीएमपीला रविवारी दिवसभरात केवळ सात मार्गांवरील 55 बसद्वारे साडेचार लाख रुपये उत्पन्न प्राप्त झाले आहे. यामध्ये जेजुरी मार्गावर सर्वाधिक एक लाख 21 हजार रुपये उत्पन्न मिळाले. 

Video : पुण्यात पुन्हा शिरला गवा; बावधन परिसरात उडाली खळबळ

पीएमपीने 12 डिसेंबरपासून पीएमआरडीएच्या हद्दीत रांजणगाव, शिक्रापूर, जेजुरी एमआयडीसी, यवत, भूगाव, सारोळा, तळेगाव दाभाडेसह 12 मार्ग सुरू केले आहेत. या मार्गांवर एकूण 70 बस सोडण्यात येत आहेत. गेल्या दहा दिवसात प्रवासी सेवेची संख्या वाढत गेली आहे. शहरालगतच्या ग्रामीण भागातील नागरिक खरेदीसाठी पुणे शहरात येत असतात. त्यात रविवारी ही संख्या अधिक असते. त्यामुळे रविवारी एका दिवसात पीएमपीला चार लाख 65 हजार 714 रुपये उत्पन्न प्राप्त झाले, अशी माहिती पीएमपीचे अध्यक्ष राजेंद्रजगताप यांनी दिली. 

हेही वाचा : पुणे शहरात कर्फ्यूचं स्वरुप कसं असणार? महापालिकेनं दिली माहिती

मार्ग उत्पन्न 
जेजुरी - एक लाख 21 हजार 395 
रांजणगाव - एक लाख 16 हजार 415 
चाकण-शिक्रापूर - 86 हजार 325 
चाकण-तळेगाव - 44 हजार 795 
यवत - 50 हजार 455 
सारोळा - 37 हजार 229 
राहू - 27 हजार 100 

पुण्याच्या बातम्या वाचण्यासाठी येथे ► क्लिक करा