पुणे : पीएमटीच्या ठेकेदारांनी (PMT contractors) अचानक बस सेवा बंद करून पुणेकरांना वेठीस धरले आहे. त्याचा फटका विद्यार्थ्यांना, कामावर जाणाऱ्या नागरिकांना बसला आहे. ठेकेदारांनी कराराचे उल्लंघन केल्याने त्यांच्यावर कायदेशीर कारवाई केली जाणार असल्याचे पीएमटीचे व्यवस्थापकीय संचालक व अध्यक्ष लक्ष्मीनारायण मिश्रा यांनी स्पष्ट केले. कोरोनाच्या काळात बस ठेकेदारांचे नुकसान झाले तेव्हा पुणे व पिंपरी-चिंचवड महापालिकेने (Pune and Pimpri-Chinchwad Municipal Corporation) त्यांना सुमारे १७० कोटीची नुकसान भरपाई दिली.
तसेच यापूर्वी ठेकेदारांना ६६ कोटी रुपये देखील दिली आहेत. सध्याची ५८ कोटी रुपयांची थकबाकी देण्यासाठी गुरुवारी महापालिकेत आयुक्त विक्रम कुमार व पीएमटीचे अध्यक्ष मिश्रा यांनी बैठक घेऊन, निधी मंजूर केला. मात्र, बँक बंद झाल्याने त्यांना हे पैसे देता आले नाहीत. असे असताना रात्री ११ वाजता ईमेल टाकून उद्यापासून गाड्या बंद करणार असल्याचे कळविण्यात आले. मिश्रा म्हणाले, ‘‘बस ठेकेदारांना पैसे देण्यासाठी पाठपुरावा सुरू होता, पण थकबाकी वसूल करण्यासाठी रात्री ईमेल टाकून बससेवा बंद करणे योग्य नाही. हा कराराचा भंग असल्याने त्यांच्यावर कायदेशीर कारवाई केली जाईल.
तसेच यापूर्वी अशा प्रकारे बससेवा बंद करणाऱ्या ठेकेदाराचे काम काढूनही घेतले आहे. त्याचाही अभ्यास पीएमटीकडून केला जाईल. विक्रम कुमार म्हणाले, ‘‘ पीएमटीला दोन्ही महापालिकांकडून सहकार्य असते. पण आजच्या संपामुळे नागरिकांना त्रास सहन करावा लागला आहे. यापुढे असे प्रकार घडू नयेत यासाठी ठेकेदारांची बैठक घेतली जाईल, दर दोन महिन्यांनी त्यांना पैसे दिले जाईल असे ठरले आहे. पण अचानक संपावर जाऊन शहर वेठीस ठरणे योग्य नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.