गोखलेनगर : पीएमपीएलच्या वाहकास मारहाण करणाऱ्या दोघांना पकडण्यात पोलिसांना यश आले. शनिपार ते नीलज्योती (मार्ग क्रमांक ५९) दरम्यान पीएमपीची बससेवेदरम्यान वाहकास दोघांनी मारहाण करत लुटण्याचा प्रयत्न केल्याची घटना घडली होती.

ताज्या बातम्यांसाठी डाऊनलोड करा ई-सकाळचे ऍप

शुक्रवारी (ता . १४) सायंकाळी सहाच्या सुमारास बस नीलज्योती थांब्यावर उभी असताना वाहक कैलास रणदिवे हे चालक महादेव शिंदे यांच्याशी गप्पा मारत होते. तेवढ्यात मोटारसायकलवरून दोन युवकांनी बसमध्ये प्रवेश केला आणि रणदिवे यांना मारहाण करण्यास सुरवात केली. हे कृत्य बसमध्ये असलेल्या सीसीटीव्ही कॅमेऱ्यात कैद झाल्याने मारहाण करणाऱ्या युवकांना पकडण्यात पोलिसांना यश आले.

मुख्यमंत्र्यांनी घेतली गृहमंत्री अमित शहा यांची भेट

सुजित मोरे, प्रतिक सोनगरे दोघेजण राहणार जनता वसाहत, जनवाडी येथील असून पोलिस उपनिरीक्षक मोहन जाधव जनवाडी पोलिस चौकी यांनी दोघांना शुक्रवार (ता.१५) रोजी बेड्या ठोकल्या आहेत.  कलम ३९२, ३२३,५११, ३४ नुसार दोघांवर गुन्हा दाखल केला असून दोघांची रवानगी येरवडा जेलमध्ये केल्याची माहिती जाधव यांनी दिली आहे.