पिंपरी - कोरोना सारख्या संकट स्थितीतही पोलीस जीवाचे रान करून कायदा व सुव्यवस्था राखण्याचे काम करत आहे. शासनाच्या आदेशाची अंमलबजावणी दिवसरात्र राबून पोलिसच करतात. या संसर्गाचा धोका ओळखून राज्य पोलीस मित्र संघटना व मुकूल माधव फौंडेशन यांच्या सहयोगाने पुणे व पिंपरी चिंचवडमधील सर्व पोलीस अधिकारी, कर्मचाऱ्यांना सॅनिटायझर व मास्कचे वाटप केले.

बातम्या ऐकण्यासाठी डाऊनलोड करा ई-सकाळचे ऍप

वाहतूक शाखेच्या सहाय्यक पोलीस आयुक्त नीलीमा जाधव यांच्या उपस्थित सोशल डीस्टसिंगचे भान राखून मास्क व हॅन्ड सॅनिटायझर यांचे वाटप करण्यात आले. त्या म्हणाल्या, "प्रशासकीय यंत्रणेतील महत्त्वाचा घटक हा पोलीस आहे. त्याने स्वत:चे आरोग्य सांभाळून इतरांच्या आरोग्यासाठी ही लढाई लढायची आहे. याकरिता प्रत्येकाने योग्य ती दक्षता घ्यावी.'

पोलीस मित्र संघटनेचे अध्यक्ष राजेंद्र कपोते  व जिल्हा सचिव सुमित दरंदले यांच्या पुढाकाराने  हा उपक्रम राबविला.  यावेळी वाहतूक शाखेचे पोलिस निरीक्षक प्रसाद गोकुळे, खडकी पोलीस निरीक्षक संगीता पाटील, प्रविण दोडके, संजय गोतावळे, नितीन रणदिवे उपस्थित होते.