पुणे - गुन्हे शाखेच्या सामाजिक सुरक्षा विभागाच्या पोलिस निरीक्षक शिल्पा चव्हाण (Shilpa Chavan) यांनी शुक्रवारी (ता. ३१) राहत्या घरात आत्महत्या (Suicide) केली. दुपारी साडेबारा वाजण्याच्या सुमारास हा प्रकार उघडकीस आला. चव्हाण यांच्या आत्महत्ये मागील कारण अद्याप स्पष्ट झालेले नाही.

याबाबत पोलिसांनी दिलेल्या माहितीनुसार, चव्हाण या त्यांच्या २० वर्षीय मुलासमवेत विश्रांतवाडी येथील शांतिनगर परिसरातील टँक रोड भागात राहात होत्या. शुक्रवारी पहाटेच त्यांनी राहत्या घरात गळफास घेऊन आत्महत्या केली. दुपारी साडेबारा वाजता ही घटना उघडकीस आली. याबाबत माहिती मिळताच सामाजिक सुरक्षा विभागातील पोलिस अधिकारी, कर्मचारी यांनी घटनास्थळी धाव घेतली.