वाघोली : एकीकडे जग कोरोनाच्या विळख्यात व देशात लॉकडाऊन असतानाही अवैध देशीदारू विक्रेत्यांचा मात्र काळा धंदा सुरुच आहे. लोणीकंद पोलिसानी 8 अवैध दारू भट्ट्या उखडून टाकल्या. तसेच दोन ठिकाणी अवैध दारू विक्री रोखली. सुमारे लाखभर रुपये किमतीचा माल जप्त करण्यात आला आहे.
पिंपरी सांडस, शिरसवडी, वाडेबोलाई, वाघोली आव्हाळवाडी रोड, वाघोली गायरान, वाघोली परिसर, कोलवडी गावातील शितोळेवस्ती येथे धाडी टाकण्यात आल्या. अवैध दारू विक्रेते आड बाजूला ही दारू विकण्याचे काम करीत आहेत. दारू पिणाऱ्यांना या जागा समजत असल्याने ते बरोबर तेथे पोहचतात. मात्र, नागरिकही जागरूक असल्याने तेही पोलिसांकडे तक्रार करतात. याप्रकरणी दहा जणांवर गुन्हा दाखल करण्यात आला आहे.
पोलिस उपअधीक्षक सई भोरे पाटील, पोलिस निरीक्षक प्रताप मानकर यांच्या मार्गदर्शनाखाली सहायक पोलिस निरीक्षक धनंजय ढोणे, पोलिस कर्मचारी बाळासाहेब सकाटे, ऋषिकेश व्यवहारे, समीर पिलाने यांनी ही कारवाई केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.