सातगाव पठार : पेठ (ता.आंबेगाव) येथील मुख्य पुणे-नाशिक राष्ट्रीय माहामार्गाला समांतर असणाऱा व गावातून जाणाऱ्या सुमारे दोन किलोमीटर लांबीच्या जुन्या पुणे-नाशिक रस्त्यावर जागोजागी खड्डे पडले आहेत. परिसरातील नागरिकांना तसेच, वाहनचाकांना या रस्त्यावरून प्रवास करणे जिकीरीचे झाले असून ते मेटाकुटीस आले आहेत. त्यामुळे सार्वजनिक बांधकाम विभागाने रस्त्यावरील खड्डे तातडीने बुजवून संपूर्ण रस्त्याची व्यवस्थित डागडुजी करावी, अशी मागणी वाहनचालक करत आहेत.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

पुणे-नाशिक राष्ट्रीय महामार्ग हा पेठ गावातून जात होता. मात्र काही वर्षांपुर्वी हा रस्ता गावच्या बाहेरून वळविण्यात आला. मात्र या मुख्य महामार्गावर जाणेसाठी सातगाव पठारावरील नागरीकांना गावातून जाणाऱ्या याच जुन्या रस्त्याचा वापर करावा लागतो. त्यामुळे या रस्त्यावरून रोज शेकडो वाहनांची वर्दळ पहावयास मिळते.

गेली अनेक वर्षे या रस्त्याची खूपच दुर्दशा झालेली आहे. रस्त्यावरील खड्डे दरवेळी तात्पुरत्या स्वरूपात बुजवीले जातात. मात्र त्याचा काहीही उपयोग होत नाही कारण बुजवीलेले खड्डे पुन्हा उखडतात आणि रस्त्यावर पुन्हा एकदा खड्यांचे साम्राज्य उभे राहते. 

मोठी बातमी : घरांचे दर होणार कमी; राज्य सरकारने घेतला महत्त्वाचा निर्णय!

सध्या पावसाळ्यात खड्यांमध्ये पावसाचे पाणी साचून राहते त्यामुळे रात्रीच्या वेळेस दुचाकीचालकांना खड्ड्यांचा निटसा अंदाज येत नसल्याने दुचाकीस्वार या रस्त्यावर घसरून पडल्याच्या देखील घटना घडत आहेत. त्यामुळे संपूर्ण रस्त्याचेच पुन्हा एकदा चांगले डांबरीकरण करावे अशी मागणी वाहनचालक तसेच परीसरातील नागरीक करत आहेत.

रस्त्यावर मोठे मोठे खड्डे पडलेले असल्याने प्रवास करताना वाहनांचे पार्ट तुटणे, टार पंक्चर होणे हे प्रकार वारंवार घडत आहेत. त्यामुळे वाहनचालकांना आर्थिक नुकसाणीस सामोरे जावे लागत आहे. त्यामुळे सार्वजनीक बांधकाम विभागाने या रस्त्याची त्वरीत डागडुजी करावी अशी मागणी पेठ ता.आंबेगाव येथील सामाजिक कार्यकर्ते अजय कंधारे, मा.उपसरपंच अनिल सणस यांनी केली आहे.

ऑस्ट्रेलियातील या भागात आहेत तीन गणेशमंडळे