पुणे - वयाच्या साठीकडे वाटचाल करताना तुमच्या मनात काय विचार येईल? निवृत्तीनंतरचा उदरनिर्वाहाचा, गावाकडे स्थायिक होण्याचा, रिकामा वेळ कसा घालवायचा की पर्यटनाचा असे एक ना अनेक विचार येतील! पण तुम्ही अपूर्ण राहिलेली दहावीची परीक्षा देण्याचा विचार कराल का? 

ताज्या बातम्यांसाठी डाऊनलोड करा ई-सकाळचे ऍप

वय म्हणजे फक्त अंक असतात, हा वाक्‍प्रचार पुन्हा एकदा पुण्यातील प्रतिभा जोशी-माने यांनी सिद्ध केला आहे. वयाच्या 58 व्या वर्षी त्या चक्क राज्य माध्यमिक व उच्च माध्यमिक मंडळाची दहावीची परीक्षा उत्तीर्ण झाल्या आहेत. आपल्या या विशेष विद्यार्थिनीची माहिती श्री रमाबाई रानडे प्रौढ स्त्री हायस्कूलच्या प्रभारी मुख्याध्यापिका एन.एस. पुरानिक यांनी "सकाळ' ला कळवली आहे.

पुण्याच्या बातम्या वाचण्यासाठी येथे ► क्लिक करा

वयाच्या 15 व्या वर्षी नववीची परीक्षा उत्तीर्ण झालेल्या प्रतिभा यांना घरगुती कारणास्तव शिक्षण अपूर्ण सोडावे लागले होते. अखेर साठीकडे प्रवास करताना त्यांनी घरगुती अडचणींवर मात करत आपले राहिलेले शिक्षण पूर्ण केले आहे. त्यांच्या या विशेष यशाचा अभिमान त्यांच्या बाईंना तर आहेच. पण त्याचबरोबर जोशी यांच्या सहविद्यार्थिनी सुवर्णा धोत्रे (वय 38) यांच्याही यशाचा अभिमान आहे.

(Edited By - Kalyan Bhalerao)