पुणे ः  कोरोनाच्या पार्श्वभूमीवर लॉकडाउनच्या कालावधीत एकत्र जमणे शक्‍य नसल्याने पूर्वनियोजित विवाह अवघ्या दहा नातेवाइकांच्या उपस्थितीत पार पडला. 

विद्यानगर येथील ऐश्वर्या अनिल आल्हाट (वय 27) व धानोरी येथील आशीष जालिंदर कांबळे (वय 30) या उच्चशिक्षित तरुण-तरुणीचा विवाह 26 एप्रिल 2020 रोजी धानोरी-लोहगाव रस्त्यावरील गीताई लॉन्स येथे होणार होता, परंतु कोरोना संसर्गामुळे संचारबंदी लागू केल्यामुळे हा विवाह घरगुती करण्याचा निर्णय कुटुंबीयांनी घेतला.

त्यानुसार वधू-वर दोन्ही पक्षाकडील पाच - पाच नातेवाइकांच्या उपस्थितीत हा विवाह पार पडला. इतर नातेवाईक व मित्र परिवारांनी या नवपरिणीत वधूवरांना सोशल मिडियाच्या माध्यमातून शुभेच्छा दिल्या.